სომხეთის სპეციალური დავალებებით ელჩმა ედმონ მარუქიანმა „ტვიტერის“ საკუთარ გვერდზე 10 მარტს აზერბაიჯანის შეიარაღებული ძალების მიერ არცახის საკონტაქტო ხაზზე ცეცხლის შეწყვეტის რეჟიმის დარღვევაზე ისაუბრა. https://armenpress.am/arm/news/1106071.html? „აზერბაიჯანმა დაარღვია ცეცხლის შეწყვეტის რეჟიმი მთიან ყარაბაღში. ერთის მხრივ, ალიევი აგრძელებს განცხადებას, რომ ისინი მზად არიან ისაუბრონ მთიანი ყარაბაღის სომხებთან, იქ დაბადებულებთან, მეორე მხრივ, ისინი თავს ესხმიან მთიან ყარაბაღში დაბადებულ და მშვიდობიანად მცხოვრებ ადამიანებს. ახლა მსოფლიომ იცის, რას გულისხმობს ალიევი“, – წერს მარუქიანი, იტყობინება Armenpress.
მანამდე არცახის რესპუბლიკის თავდაცვის სამინისტრომ განაცხადა, რომ აზერბაიჯანის შეიარაღებული ძალების ქვედანაყოფებმა 10 მარტს 19:10 საათიდან 19:40 საათამდე დაარღვიეს ცეცხლის შეწყვეტის რეჟიმი ცეცხლსასროლი იარაღის გამოყენებით საკონტაქტო ხაზის ჩრდილოეთ მიმართულებით. წყაროს ცნობით, ცეცხლის შეწყვეტის დარღვევის შესახებ ეცნობა რუსეთის სამშვიდობო ძალების სარდლობას.
