პუტინთან სატელეფონო საუბარში ფაშინიანმა ხაზი გაუსვა რუსეთის მხრიდან შესაბამის რეაგირებას
პრემიერ-მინისტრ ნიკოლ ფაშინიანსა და რუსეთის ფედერაციის პრეზიდენტ ვლადიმერ პუტინს შორის სატელეფონო საუბრისას განიხილეს აზერბაიჯანის მიერ ლაჩინის დერეფნის უკანონო ბლოკადის გამო მთიან ყარაბაღში მიმდინარე ჰუმანიტარული კრიზისი. ამის შესახებ იუწყება NEWS.am პრემიერ-მინისტრის აპარატზე დაყრდნობით.
„ამ კონტექსტში პრემიერ-მინისტრმა ფაშინიანმა ისაუბრა 5 მარტს აზერბაიჯანის მიერ მთიან ყარაბაღში განხორციელებულ ტერორისტულ ოპერაციაზე და მის შედეგებზე. მთიანი ყარაბაღის კრიზისის დაძლევის კონტექსტში, სომხეთის პრემიერ-მინისტრმა ხაზი გაუსვა რუსეთის ფედერაციის შესაბამის რეაგირებას.
ასევე მოსაზრებები გაცვალეს სომხეთ-აზერბაიჯანის ურთიერთობების მოწესრიგების პროცესზე. განიხილეს სომხეთის, რუსეთისა და აზერბაიჯანის ლიდერების 2020 წლის 9 ნოემბრის, 2021 წლის 11 იანვრის, 26 ნოემბრის და 2022 წლის 31 ოქტომბრის სამმხრივი განცხადებების განხორციელებასთან დაკავშირებული საკითხები“, – ნათქვამია განცხადებაში.
