პრემიერ-მინისტრმა ნიკოლ ფაშინიანმა დღეს დემოკრატიისთვის მეორე სამიტის ოფიციალური გახსნის პლენარულ სხდომაში მიიღო მონაწილეობა. სამიტი ამერიკის შეერთებული შტატების პრეზიდენტის ჯო ბაიდენის ინიციატივით ონლაინ ფორმატში იმართება.
ამის შესახებ „ARMENPRESS“-ს აცნობეს სრ პრემიერ-მინისტრის აპარატის ინფორმაციისა და საზოგადოებასთან ურთიერთობის დეპარტამენტში.
დემოკრატიის მეორე სამიტში 100-ზე მეტი ქვეყნის ლიდერი, სამოქალაქო საზოგადოებისა და საერთაშორისო დემოკრატიული ინსტიტუტების წარმომადგენლები მონაწილეობენ. ღონისძიების თანამასპინძელი ქვეყნები არიან ამერიკის შეერთებული შტატები, კოსტა რიკა, ნიდერლანდები, კორეის რესპუბლიკა და ზამბია. პლენარული სხდომა ამ ქვეყნების ლიდერების მისალოცი გზავნილებით დაიწყო. გახსნის სიტყვით ასევე გამოვიდა გაეროს გენერალური მდივანი ანტონიო გუტერეში.
სამიტის დღის წესრიგის ფარგლებში დაგეგმილია თემატური პანელური განხილვები: 2021წ დემოკრატიის პირველი სამიტის ვალდებულებების შესრულების, დემოკრატიის საფრთხის შემქმნელი გამოწვევების, ასევე დემოკრატიული ღირებულებების: მმართველობის ანგარიშვალდებულების უზრუნველყოფის, კანონის უზენაესობის, ადამიანის უფლებების დაცვის, პრესის თავისუფლების, ინკლუზიური ეკონომიკური ზრდისა და სხვა თემების გარშემო.
