ძალოსნობაში ევროპის ჩემპიონატი ერევანში საუკეთესოა, რაც კი ოდესმე მინახავს. დანიის ნაკრების მწვრთნელი
ძალოსნობის დანიის ნაკრების მწვრთნელი ანდერს ბენდიკსი ერევანში გამართულ ძალოსნობაში ევროპის ჩემპიონატს უმაღლეს დონეზე გამართულ ჩემპიონატებს შორის ასახელებს.
„ერევანში ჯერ ბევრი არაფერი გვინახავს, მაგრამ აქ დღეები ნამდვილად კარგად ვატარებთ. დედაქალაქი მართლაც ლამაზია. რაც შეეხება საორგანიზაციო მუშაობას, ეს არის საუკეთესო ჩემპიონატი, რაც მინახავს“, – განაცხადა მან ARMENPRESS-თან საუბარში.
დანიელი სპეციალისტის თქმით, მას მსოფლიოს სხვადასხვა ქვეყანაში 40-50 სხვადასხვა ჩემპიონატში აქვს მონაწილეობა მიღებული და ერევნის ჩემპიონატს ყველა ასპექტში ორგანიზებულობის მხრივ მაღალ ხარისხიანად მიიჩნევს, განსაკუთრებით პოპულარიზაციის, სავარჯიშო პირობების, მოხალისეების მუშაობის, სასტუმროების კუთხით.
მან იმედი გამოთქვა, რომ მომავალ წელს სომხეთი ძალოსნობაში მსოფლიო ჩემპიონატს უმასპინძლებს და ამ შემთხვევაში მათთვის კარგი იქნება ისევ დაბრუნება.
მისი თქმით, დანიას არ აქვს ისეთი კარგი შედეგები ძალოსნობაში, როგორიც სომხეთს აქვს, მაგრამ მათი მიზანია მეტი და უკეთესი გამოცდილების დაგროვება და ძალოსნობაში დაფიქსირებული შედეგებით დაახლოება სომხეთთან და სპორტის ამ სახეობაში ძლიერ ქვეყნებთან.
