ახალი გადაწყვეტილება. აშშ მიიღებს მონაწილეობას ახალი ატომური ელექტროსადგურის უსაფრთხოების შეფასებაში
News.am იუწყება, რომ სრ მთავრობამ 1 ივნისის სხდომაზე დაამტკიცა პროექტი „სომხეთის რესპუბლიკის ბირთვული უსაფრთხოების მარეგულირებელ კომიტეტსა და ამერიკის შეერთებული შტატების ბირთვულ მარეგულირებელ კომისიას შორის ბირთვული უსაფრთხოების საკითხებით ტექნიკური ინფორმაციის გაცვლისა და თანამშრომლობის შესახებ“ შეთანხმების დამტკიცების შესახებ“.
შეთანხმებას ხელი მოეწერა 2023 წლის 14 მარტს ვაშინგტონში.
წარსულში სომხეთმა ამერიკულ მხარესთან ასევე გააფორმა ამ სფეროში თანამშრომლობის ხელშეკრულებები (1995, 1997, 2007 და 2017 წლებში) ატომური ელექტროსადგურის პერსონალის მომზადების, უსაფრთხოების სისტემის ხელახალი აღჭურვის, ბირთვული მასალების ფიზიკური დაცვის, ატომური ელექტროსადგურის სეისმური უსაფრთხოების, გამოყენებული საწვავის მშრალი შენახვის უსაფრთხოების შეფასებისა და ლიცენზირების, რადიაციული წყაროების უსაფრთხოების სფეროებში დოკუმენტების დამუშავების შესახებ.
თუმცა, გარდა ამ მიმართულებებისა, ახალი შეთანხმება ასევე ითვალისწინებს ატომური ელექტროსადგურის ექსპლუატაციის პერიოდის გაგრძელებას, უსაფრთხოების ანალიზისა და შეფასების მხარდაჭერას აშშ-დან სომხეთში ახალი ატომური სადგურის მშენებლობის ლიცენზირების ეტაპებზე, ასევე, რადიოაქტიური მასალების და ნარჩენების უსაფრთხოების, გარემოს მონიტორინგის, უსაფრთხოების მარეგულირებელი დოკუმენტების შემუშავების განხორციელებას.
მთავრობა, თავისი გადაწყვეტილებით, ხელშეკრულების დამტკიცებას მიზანშეწონილად მიიჩნევს სომხეთში ატომური ენერგიის გამოყენების სფეროს შემდგომი განვითარებისთვის.
შემდეგი ნაბიჯი არის პარლამენტის მიერ რატიფიცირება და სრ პრეზიდენტის ხელმოწერა.
შეგახსენებთ, აშშ-ს მთავრობის ევროპისა და ევრაზიის მხარდაჭერის პროგრამების კოორდინატორმა მარია ლონგიმ აშშ-ის კონგრესის წარმომადგენელთა პალატის საგარეო ურთიერთობათა კომიტეტში ორგანიზებულ მოსმენაზე განაცხადა, რომ აშშ განიხილავს მცირე მოდულური ბირთვული ატომური რეაქტორების აგების შესაძლებლობას სომხეთსა და ევრაზიის სხვა ქვეყნებში.
ამერიკული მხარის აზრით, მოდულური ბირთვული რეაქტორების მშენებლობამ შეიძლება გამოიწვიოს უფრო დიდი ენერგეტიკული დამოუკიდებლობა როგორც რუსეთისგან, ასევე ჩინეთისგან.
