სომხეთის რესპუბლიკის, რუსეთის ფედერაციის და აზერბაიჯანის რესპუბლიკის მეთაურების 25 მაისს მოსკოვში გამართულ შეხვედრაზე მიღწეული შეთანხმებების განსახორციელებლად, 2 ივნისს რუსეთის დედაქალაქში გაიმართა სამმხრივი სამუშაო ჯგუფის მე-12 სხდომა სომხეთის რესპუბლიკის ვიცე-პრემიერ მჰერ გრიგორიანის, რუსეთის ფედერაციის ვიცე-პრემიერ ალექსეი ოვერჩუკის და აზერბაიჯანის რესპუბლიკის ვიცე-პრემიერ შაჰინ მუსტაფაევის თანათავმჯდომარეობით.
სხდომამ კონსტრუქციულ ატმოსფეროში ჩაიარა. მნიშვნელოვანი პროგრესი დაფიქსირდა სომხეთის რესპუბლიკასა და აზერბაიჯანის რესპუბლიკას შორის სატრანსპორტო კომუნიკაციების განბლოკვის ორგანიზების მეთოდებზე შეთანხმებაში. კერძოდ, მიღწეული იქნა ურთიერთგაგება ერასხ-ჯულფა-მეღრი-ჰორადიზის მარშრუტზე სარკინიგზო კომუნიკაციის აღდგენისა და ორგანიზების მიმართულებით კონკრეტული ნაბიჯების გატარების თაობაზე.
მოლაპარაკებების შედეგები ეცნობება სომხეთის რესპუბლიკის, რუსეთის ფედერაციის და აზერბაიჯანის რესპუბლიკის ლიდერებს.
მხარეები შეთანხმდნენ, რომ გააგრძელებენ მუშაობას სამმხრივი სამუშაო ჯგუფის ფარგლებში.
