სომხეთი ევროკავშირის პარტნიორებთან აქტიურად განიხილავს ვიზალიბერალიზაციას. მირზოიანი
ვიზალიბერალიზაციის თემა სომხეთისა და ევროკავშირის წევრი ქვეყნების დღის წესრიგის ერთ-ერთი საკითხია, ის განიხილება და მხარდაჭერას თითქმის ყველა შემთხვევაში იღებს, მაგრამ საჭიროა ევროკავშირის კონსენსუსის პოზიცია.
Armenpress-ის გადმოცემით, ამის შესახებ „სომხეთის 2022 წლის სახელმწიფო ბიუჯეტის შესრულების შესახებ“ წლიური ანგარიშის წინასწარი განხილვისას, დეპუტატების კითხვების პასუხის გაცემისას განაცხადა სრ საგარეო საქმეთა მინისტრმა არარატ მირზოიანმა.
„აქტიურად განვიხილავთ ვიზალიბერალიზაციის თემას. ის არის დღის წესრიგში ჩვენსა და ევროკავშირს შორის, ან ჩვენსა და ევროკავშირის ცალკეულ წევრ სახელმწიფოს შორის, განიხილება და მხარს უჭერს უმეტეს ან თითქმის ყველა შემთხვევაში. თუმცა, ასეთი გადაწყვეტილების მისაღებად ევროკავშირის კონსენსუსის პოზიციაა საჭირო და ევროკავშირის შიგნით კონსენსუსის მიღწევა ჯერ ვერ მოხერხდა“, – განაცხადა მირზოიანმა.
საგარეო საქმეთა მინისტრმა დაარწმუნა, რომ მუშაობა ამ მიმართულებით გრძელდება.
