სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო სამხრეთ კავკასიასა და საქართველოში ევროკავშირის სპეციალური წარმომადგენელი ტოივო კლაარი.
როგორც Armenpress-ი არკვევს სრ მთავრობის მიერ გავრცელებული გზავნილიდან, მხარეებმა ისაუბრეს ბრიუსელსა და კიშინიოვში გამართულ სამმხრივ და ხუთმხრივ შეხვედრებზე მიღწეული შეთანხმებების შესრულებაზე. პრემიერ-მინისტრმა ფაშინიანმა ხაზი გაუსვა მათ თანმიმდევრულ განხორციელებას.
საუბარი შეეხო სომხეთსა და აზერბაიჯანს შორის ურთიერთობების ნორმალიზაციის პროცესს, აზერბაიჯანის მიერ ლაჩინის დერეფნის უკანონო ბლოკადის შედეგად მთიან ყარაბაღში შექმნილ ჰუმანიტარულ კრიზისს, საერთაშორისოდ გარანტირებული დიალოგის მექანიზმით მთიანი ყარაბაღის მოსახლეობის უფლებებისა და უსაფრთხოების საკითხების მოგვარებას.
პრემიერ-მინისტრმა ფაშინიანმა წარმოადგინა სომხური მხარის მიდგომები არსებული საკვანძო საკითხების გადაწყვეტასთან დაკავშირებით.
