კაპანის სასამართლოში გამოცხადდა აზერბაიჯანელი ჯარისკაცის ჰუსეინ ახუნდოვის განაჩენი. მას 20 წლით თავისუფლების აღკვეთა მიესაჯა.
ეს აზერბაიჯანელი დამნაშავედ იქნა ცნობილი ზანგეზურის სპილენძ-მოლიბდენის კომბინატის დაცვის თანამშრომლის, 56 წლის ჰაირაპეტ მელიქსეტიანის მკვლელობაში. მელიქსეტიანის ოჯახი ამ სასჯელს მიუღებლად მიიჩნევს და უვადო თავისუფლების აღკვეთას ითხოვს.
აპრილის დასაწყისში ახუნდოვი და კიდევ ერთი აზერბაიჯანელი ჯარისკაცი აგშინ ბაბიროვი ნახიჩევანიდან სიუნიქში შევიდნენ და სიუნიქის საზღვრისპირა სოფლების მცხოვრებლებმა დაიჭირეს. სასამართლომ ბაბიროვს 11 წლით თავისუფლების აღკვეთა მიუსაჯა საზღვრის უკანონო გადაკვეთის, ცეცხლსასროლი იარაღისა და საბრძოლო მასალის სახელმწიფო საზღვარზე უკანონო გადატანისთვის. ახუნდოვს მკვლელობაშიც ედებოდა ბრალი.
