მჰერ გრიგორიანმა და ჯასტინ ფრიდმანმა ბირთვული ენერგიის სფეროში თანამშრომლობის შესაძლო მიმართულებები განიხილეს
ვიცე-პრემიერმა მჰერ გრიგორიანმა მიიღო დელეგაცია აშშ-ის სახელმწიფო დეპარტამენტის საერთაშორისო უსაფრთხოებისა და იარაღის გაუვრცელებლობის ბიუროს ბირთვული ენერგიის კომერციული კონკურენტუნარიანობის საკითხებში უფროსი მრჩეველი ჯასტინ ფრიდმანის ხელმძღვანელობით. შეხვედრას ასევე ესწრებოდა აშშ-ის საგანგებო და სრულუფლებიანი ელჩი სომხეთში კრისტინა ქუინი. ამის შესახებ მთავრობის პრესსამსახურში განაცხადეს. მიესალმა რა სტუმრებს, ვიცე-პრემიერმა წარმოადგინა სომხეთის ენერგეტიკის სფეროში არსებული ძირითადი გამოწვევები, ისაუბრა რეგიონულ ენერგეტიკულ პროექტებში სომხეთის მონაწილეობის მნიშვნელობის შესახებ. შეხვედრაზე მხარეებმა ბირთვული ენერგიის სფეროში თანამშრომლობის შესაძლო მიმართულებები განიხილეს. ასევე გაცვალეს აზრები ადამიანური კაპიტალის განვითარების, დიგიტალიზაციისა და მაღალტექნოლოგიური სექტორების გლობალურ ტენდენციებზე და სომხეთში ამ სფეროებში განხორციელებულ რეფორმებზე.
