პოლონეთის პრეზიდენტმა ანჯეი დუდამ ვარშავაში მიიღო სომხეთის რესპუბლიკის დელეგაცია, ეროვნული ასამბლეის თავმჯდომარის – ალენ სიმონიანის ხელმძღვანელობით.
როგორც სრ ეროვნული ასამბლეის შეტყობინებაშია ნათქვამი, მადლობა გამოხატა რა შეხვედრისთვის, სრ ეროვნული ასამბლეის თავმჯდომარემ აღნიშნა, რომ სომხეთისთვის დემოკრატიული ღირებულებები უმთავრესია, მათი გაძლიერება კი საკვანძოა.
ალენ სიმონიანმა აღნიშნა, რომ ევროკავშირი რჩება სომხეთის უპირველეს პარტნიორად დემოკრატიული ინსტიტუტების ჩამოყალიბებისა და რეფორმების დღის წესრიგის მხარდაჭერის საკითხში და მიუხედავად იმ სირთულეებისა, რაც ჩვენს ქვეყანას ბოლო რამდენიმე წლის განმავლობაში შეხვდა, შეინარჩუნა მაღალი დონის პოლიტიკური დიალოგის პოზიტიური დინამიკა სომხეთსა და ევროკავშირს შორის და კიდევ უფრო გაძლიერდა საკანონმდებლო ბაზა რიგი შეთანხმებების ხელმოწერით.
ისაუბრა რა რეგიონში მდგრადი მშვიდობის დამყარების დღის წესრიგზე, სრ ერ. კრების თავმჯდომარემ მნიშვნელობა მიანიჭა ევროკავშირის სადამკვირვებლო მისიის განთავსებას. ალენ სიმონიანმა დეტალურად ისაუბრა აზერბაიჯანის აგრესიის შედეგად მთიანი ყარაბაღის სომხების კრიზისისა და სომხეთის სუვერენიტეტის საფრთხის შესახებ. მან ხაზგასმით აღნიშნა, რომ სომხეთი მოელის, რომ საერთაშორისო პარტნიორები დაგმობენ მსგავს უკანონო და არაადამიანურ ქმედებებს და სანქციებიც კი გამოიყენონ აზერბაიჯანის წინააღმდეგ.
ანჯეი დუდამ დაარწმუნა, რომ დაინტერესებულია სომხეთსა და პოლონეთს შორის ურთიერთობების განვითარებით და გაიხსენა მისი მონაწილეობა 2006 წელს ერევანში გამართულ ევროპის საბჭოს იუსტიციის მინისტრების შეხვედრაში, როგორც პოლონეთის იუსტიციის მინისტრი. პრეზიდენტმა დუდამ ხაზი გაუსვა, რომ მათთვის მნიშვნელოვანია სამხრეთ კავკასიის რეგიონი და განსაკუთრებით სომხეთთან ურთიერთობების განვითარება. პრეზიდენტმა აღნიშნა, რომ ისინი თვალყურს ადევნებენ ვითარებას 44-დღიანი ომის შემდეგ, ასევე კარგად იცნობენ რეგიონის უსაფრთხოების საკითხებს და კარგად იციან რომელ ქვეყანას სურს რეალურად მშვიდობა და რომელს არა.
