ჩვენი ნაბიჯები მთიანი ყარაბაღისთვის ჰუმანიტარული დახმარების უზრუნველსაყოფად უწყვეტი იქნება. News.am-ის გადმოცემით, ამის შესახებ 30 აგვისტოს კორნიძორში ჟურნალისტებთან საუბარში განაცხადა მთიან ყარაბაღში ჰუმანიტარული კრიზისის მოგვარების სამუშაო ჯგუფის წარმომადგენელმა ვარდან სარგსიანმა.
მისი თქმით, ეს ყველაფერი კეთდება მთიანი ყარაბაღისა და მისი მოსახლეობისთვის დროული დახმარების გასაწევად.
„იქ სიტუაცია საათობრივად უარესდება. ჩვენი მიზანია როგორმე შევამსუბუქოთ ჰუმანიტარული კრიზისი, რომელიც თანდათან კატასტროფაში გადადის“, – განაცხადა სარგსიანმა.
მან იმედი გამოთქვა, რომ საერთაშორისო თანამეგობრობის თანდათანობითი ინფორმირებულობა ახალ სიცოცხლეს მისცემს მიმდინარე პროცესს. სარგსიანის თქმით, ამაში აქტიურად უწყობს ხელს ფრანგული მხარის ჰუმანიტარული ინიციატივა.
30 აგვისტოს, გამთენიისას, საფრანგეთიდან ჰუმანიტარული დახმარების სატვირთო მანქანების კოლონა ერევნიდან კორნიძორში გადავიდა. 30 აგვისტოს ნაშუადღევს, ჰუმანიტარული კოლონა უკვე შეუერთდა ჰუმანიტარული ტვირთის მქონე სატვირთო მანქანების კორნიძორის კოლონას, რომელიც ადრე სრ ხელისუფლების მიერ იყო გაგზავნილი მყ-ში და რომელიც 26 ივლისიდან უმოქმედოდ იყო კორნიძორში და აზერბაიჯანის ხელისუფლების აკრძალვის გამო ვერ გადიოდა ლაჩინის დერეფანში.
გასული წლის დეკემბრიდან ლაჩინის დერეფანი გადაკეტილია, რის შედეგადაც უკიდურესად მძიმე ჰუმანიტარული ვითარება შეიქმნა მთიან ყარაბაღში. 15 ივნისიდან მთიანი ყარაბაღის მოსახლეობა სრული ბლოკადის ქვეშ იმყოფება. დროდადრო წითელი ჯვრის საერთაშორისო კომიტეტი ახერხებს ორგანიზება გაუწიოს პაციენტების გადაყვანას მყ-დან ერევანში.
