სომხეთში დისლოცირებული ევროკავშირის სადამკვირვებლო მისიამ სომხეთსა და აზერბაიჯანს შორის სასაზღვრო დაძაბულობაზე ისაუბრა. „ბოლო რამდენიმე დღის განმავლობაში, ევროკავშირის სადამკვირვებლო მისია შეშფოთებით შეესწრო დაძაბულობისა ზრდას სომხეთისა და აზერბაიჯანის სასაზღვრო რაიონებში. ვითარება ბრიუსელს შევატყობინეთ. ჩვენი პატრული თვალს ადევნებს სომხეთ-აზერბაიჯანის სასაზღვრო ტერიტორიებს და ფრონტის ხაზებს სამხედრო და უსაფრთხოების განვითარებულ მოვლენებზე მოხსენების მიზნით“, – ნათქვამია X-ში ევროკავშირის სამოქალაქო სადამკვირვებლო მისიის განცხადებაში. შეგახსენებთ, რომ 1 სექტემბერს აზერბაიჯანის შეიარაღებულმა ძალებმა სომხეთის რესპუბლიკის სუვერენულ ტერიტორიაზე მორიგი სამხედრო აგრესია განახორციელეს, რის შედეგადაც სომხურ მხარეს 3 მსხვერპლი და 2 დაჭრილი ჰყავს. გარდა ამისა, აზერბაიჯანის თავდაცვის სამინისტრო რეგულარულად ავრცელებს ცრუ შეტყობინებებს, თითქოსდა სომხეთის „პროვოკაციების“ შესახებ, ამზადებს ნიადაგს შემდგომი აგრესიებისთვის.
