4-5 ოქტომბერს ერევანში “1-ლი მწვანე კონფერენცია სომხეთი” გაიმართება. საერთაშორისო კონფერენციის ფარგლებში სომხეთში მსოფლიოს სხვადასხვა ქვეყნიდან ჩამოვლენ მეცნიერები, მკვლევარები, განათლების სექტორის წარმომადგენლები, სოფლის მეურნეები, სოფლის მეურნეობის პოლიტიკის შემქმნელები, ფერმერები, მწარმოებლები. ინფორმაციას სრ ეკონომიკის სამინისტრო ავრცელებს. კონფერენციის არსი არის მწვანე სოფლის მეურნეობა, როგორც სომხეთის მდგრადი განვითარების სტიმული. ორდღიანი კონფერენციის განმავლობაში, სხვადასხვა ქვეყნის დელეგატები წარმოადგენენ მდგრადი განვითარების სფეროში თანამედროვე გადაწყვეტილებებს, უახლეს მიღწევებს, განვითარების ტენდენციებს და სომხურ კოლეგებთან ერთად განიხილავენ სოფლის მეურნეობის სფეროსთან დაკავშირებულ ბევრ საკითხს. კონფერენციაზე განიხილება მწვანე სოფლის მეურნეობის ხელშეწყობის პოლიტიკის ინსტრუმენტები, ეკოლოგიური სტაბილურობისა და კლიმატით ჭკვიანი სოფლის მეურნეობის თემა, საკვები და აგროტექნოლოგიური ტენდენციები, ექსპერტები გაცვლიან გამოცდილებას. მოეწყობა სომხეთში მწვანე სოფლის მეურნეობით დაკავებული კომპანიების პროდუქციის გამოფენა, მოეწყობა საველე ვიზიტები, რომლის დროსაც დამსწრეები გაეცნობიან სომხეთში მწვანე სოფლის მეურნეობის მიღწევებს. „1st Green Conference Armenia“ ორგანიზატორები არიან ევროკავშირი, ავსტრიის განვითარების სააგენტო და სომხეთის ეროვნული აგრარული უნივერსიტეტი.
