აზერბაიჯანი აგრძელებს ლაჩინის დერეფნის უკანონო ბლოკირებას. ჰუმანიტარულმა კრიზისმა მთიან ყარაბაღში პიკს მიაღწია. ამის შესახებ მთავრობის სხდომაზე განაცხადა პრემიერ-მინისტრმა ნიკოლ ფაშინიანმა.
„აშკარაა, რომ ამ ქმედებებით აზერბაიჯანი ავლენს თავის განზრახვას, განახორციელოს ახალი სამხედრო პროვოკაცია მთიანი ყარაბაღისა და სომხეთის რესპუბლიკის წინააღმდეგ. ასეთი პროვოკაციის გასამართლებლად მიმოქცევაში იდება ცრუ და სინამდვილესთან შეუსაბამო თეზისები“, – განაცხადა ფაშინიანმა.
მისი აზრით, სიტუაცია ისეთია, რომ საერთაშორისო საზოგადოებამ, გაეროს უშიშროების საბჭოს ქვეყნებმა სერიოზული ზომები უნდა მიიღონ სამხრეთ კავკასიაში ახალი აფეთქების თავიდან ასაცილებლად.
„ამავდროულად, ხაზს ვუსვამ სომხეთის რესპუბლიკის ერთგულებას ბრიუსელში 2021 წლის 14 დეკემბერს, პრაღაში 2022 წლის 6 ოქტომბერს, ბრიუსელში 2023 წელს, ისევე როგორც 2020 წლის 9 ნოემბრის სამმხრივი დეკლარაციის მიმართ, რომელსაც ხელი მოაწერეს რუსეთის ფედერაციის, აზერბაიჯანის რესპუბლიკის პრეზიდენტებმა და სომხეთის რესპუბლიკის პრემიერ-მინისტრმა.
მთიანი ყარაბაღის სომხების უფლებებისა და უსაფრთხოების მიზნით, ბაქო-სტეფანაკერტის დიალოგი საერთაშორისო მექანიზმების ფარგლებში და ლაჩინის დერეფნის განბლოკვა, იუსტიციის საერთაშორისო სასამართლოს 2023 წლის 22 თებერვლისა და 6 ივლისის გადაწყვეტილებით, არსებითია.
ამ ყველაფრის საფუძველზე სომხეთის რესპუბლიკა მზადაა და სურს ხელი მოაწეროს აზერბაიჯანთან სამშვიდობო და ურთიერთობების მოგვარების ხელშეკრულებას და ჩვენ გამოვხატავთ ლოიალობას სამშვიდობო დღის წესრიგის მიმართ“, – დაასკვნა პრემიერ-მინისტრმა.
