მთიანი ყარაბაღისა და აზერბაიჯანის წარმომადგენლებმა ხაზი გაუსვეს შეხვედრების გაგრძელების სურვილს  – არცახის საინფორმაციო შტაბი

მთიანი ყარაბაღის პრესრელიზში 21 სექტემბერს ევლახში აზერბაიჯანისა და არცახის წარმომადგენლების რუსეთის შუამავლობით გამართულ შეხვედრაზე ნათქვამია, რომ პრაქტიკულ ატმოსფეროში გამართულ შეხვედრაზე განიხილეს ორმხრივი მნიშვნელობის არაერთი საკითხი.

როგორც „Armenpress“-ი იუწყება, არცახის საინფორმაციო შტაბის ცნობით, მხარეებმა საგანგებოდ აღნიშნეს, რომ აუცილებელია ყველა არსებული საკითხის განხილვა მშვიდ ვითარებაში, შეხვედრების გაგრძელების მზადყოფნით.