გამოვრიცხავ იმას, რომ ევროპა დათანხმდება სომხეთის სუვერენული ტერიტორიების გადაცემას. ასე არ მოხდება. ამის შესახებ NEWS.am-ის ჟურნალისტთან საუბარში გერმანელმა პოლიტოლოგმა ალექსანდრ რაჰრმა განაცხადა.
„ამავდროულად, შესაძლებელია, რომ მხარეები შეთანხმდნენ, გამოიყენონ სატრანზიტო მექანიზმი, რომელიც მოქმედებს კალინინგრადის მიმართულებით ევროპის გავლით, სატრანსპორტო კომუნიკაციების განბლოკვის საკითხში. მაგრამ ეს შემდგომი მოლაპარაკებების საკითხია“, – დასძინა მან.
ექსპერტი მიიჩნევს, რომ ბაქო არ დაიწყებს ომს სომხეთთან.
„რამდენიმე წლის წინ მსოფლიო საზოგადოებამ განიხილა არა მხოლოდ ტერიტორიული მთლიანობის პრინციპი, არამედ ხალხთა თვითგამორკვევის უფლება, რაც სასარგებლო იყო სომხური მხარისთვის. მაგრამ უკრაინის ომის დაწყების შემდეგ სიტუაცია აზერბაიჯანის სასარგებლოდ შეიცვალა“, – აღნიშნა პოლიტოლოგმა.
მისი შეფასებით, სიტუაცია კავკასიის რეგიონში არ განმუხტულა.
„ამისთვის არის საჭირო მოლაპარაკებები კომპრომისების მოსაძებნად. სომხეთიც და აზერბაიჯანიც მოლაპარაკებებს გამართავენ, რადგან რეგიონში სერიოზული გეოპოლიტიკური ცვლილებები მოხდა“, – დაასკვნა რაჰრმა.
