თუ ეს არის გაეროს რეაქცია, უკვე გვიანია და ძალიან მცირე  –   მირზოიანი

სომხეთის საგარეო საქმეთა მინისტრი არარატ მირზოიანი მთიან ყარაბაღში მომხდარ ინციდენტზე გაეროს რეაგირებას გვიანსა და მცირეს უწოდებს.

„Armenpress“-ის  ინფორმაციით, ასეთი პოზიცია მირზოიანმა ეროვნულ ასამბლეაში მთავრობასთან კითხვა-პასუხის დროს გამოთქვა, ფრაქცია „სამოქალაქო შეთანხმების“ დეპუტატის არმენ ხაჩატრიანის შეკითხვაზე  პასუხისას.

დეპუტატმა ხაზგასმით აღნიშნა, რომ გაეროს სადამკვირვებლო მისიის ჯგუფი მთიან ყარაბაღში გვიან გაემგზავრა, მისი საქმიანობის შედეგად დაფიქსირდა ჩანაწერი, რომელმაც აღშფოთება გამოიწვია. მისიის სადამკვირვებლო ჯგუფში იყვნენ თურქეთის, უნგრეთის, ალბანეთის, პაკისტანის, რუსეთის წარმომადგენლები. ანუ  გაეროს ამ ჯგუფის შემადგენლობიდან უკვე უნდა გაეგო, რომ რაიმე ობიექტურ შეხედულებებს ვერ მიიღებდა. იყო მცდელობა დაემალათ ეს დიდი კატასტროფა“- აღნიშნა დეპუტატმა.

მირზოიანმა განაცხადა, რომ სომხეთის რესპუბლიკამ მიმართა, გააფრთხილა, აცნობა, გამოეხმაურა და მოითხოვა ჩარევა მრავალი საერთაშორისო სტრუქტურისგან, უპირველეს ყოვლისა, გაეროსა და მისი შესაბამისი უწყებებისგან. ასევე გაიმართა უშიშროების საბჭოს სხდომები. „სამწუხაროდ, ადეკვატური პასუხი არ მიგვიღია. ჩვენ ასევე ვისაუბრეთ იმაზეც,  თუ ეს გაეროს პასუხია, ძალიან გვიანია და ძალიან ცოტა. მეორე მხრივ, იმედი მაქვს, რომ გაეროს წარმომადგენლები თუმცა დაგვიანებით, მაგრამ  მაინც წარმოადგენენ თავიანთ მოსაზრებას“, – განაცხადა მირზოიანმა.

მინისტრის თქმით, ამ მისიის შემსრულებელი უწყება განცხადებას ამზადებს. მირზოიანი დაარწმუნეს, რომ დასკვნები, რაც გაკეთდა, ამ უწყებას არ ეკუთვნოდა და უნდა ველოდოთ განცხადებას.