10 ოქტომბერს გაიმართება ევროპის საბჭოს მინისტრთა კომიტეტისა და საპარლამენტო ასამბლეის (გაერთიანებული კომიტეტის) ერთობლივი სესია, რომელიც მიეძღვნება მთიანი ყარაბაღის ბოლო მოვლენებს.
დაგეგმილია მთიანი ყარაბაღის სომხების უფლებებთან და ჰუმანიტარულ მდგომარეობასთან, ასევე აზერბაიჯანის საერთაშორისო ვალდებულებებთან დაკავშირებული საკითხების განხილვა.
ერთობლივი კომიტეტის სხდომა ევროსაბჭოს საპარლამენტო ასამბლეის პრეზიდენტის თინი კოქსის ინიციატივით გაიმართა. მინისტრთა კომიტეტმა 4 ოქტომბერს სხდომის წინადადება და დღის წესრიგი დაამტკიცა.
ერთობლივი კომიტეტის ფუნქციაა მინისტრთა კომიტეტისა და საპარლამენტო ასამბლეისთვის საერთო საკითხების განხილვა და ამ ორი ორგანოს მიერ მიღებული რეკომენდაციების პრაქტიკული განხორციელების ხელშეწყობა.
