ევროპარლამენტის სამხრეთ კავკასიასთან ურთიერთობის დელეგაციის ხელმძღვანელმა, დეპუტატმა მარინა კალიურანდმა გამოთქვა მოსაზრება, რომ სომხეთს ევროკავშირის მხარდაჭერა ახლა ისე სჭირდება, როგორც არასდროს. ამის შესახებ მარინა კალიურანდმა განაცხადა ბრიუსელში Armenpress-ის კორესპონდენტთან ინტერვიუში.
მისი თქმით, სომხეთს ჰუმანიტარული კატასტროფის დასაძლევად ევროკავშირის ფინანსური და პოლიტიკური მხარდაჭერა სჭირდება. რაც შეეხება საკითხს, რამდენად მზადაა ევროკავშირი სომხეთისთვის უსაფრთხოების გარანტიები მისცეს, კალიურანდი აღნიშნავს, რომ ეს არის საკითხი, რომელიც სომხეთის ხელმძღვანელობას უნდა მიემართოს, ბევრი გადაწყვეტილება თავად სომხეთმა უნდა მიიღოს.
ევროპარლამენტის წევრმა ასევე აღნიშნა, რომ ევროპარლამენტმა გადადგა თავისი ნაბიჯი, მოუწოდა აზერბაიჯანის წინააღმდეგ სანქციების დაწესებისკენ, ევროკავშირ-აზერბაიჯანის ურთიერთობების გადახედვისკენ. მან დასძინა, რომ ჯერი ევროკომისიაზეა, საიდანაც უფრო კონკრეტულ ნაბიჯებს ელის.
