ჟენევაში  ხმა აიმაღლეს  აზერბაიჯანის აგრესიით გამოწვეული ჰუმანიტარული კრიზისის შესახებ

გაეროს ეკონომიკური, სოციალური და კულტურული უფლებების კომიტეტის (CESCR) 74-ე სესიაზე გაიმართა ამავე სახელწოდების პაქტის ფარგლებში წარმოდგენილი სომხეთის რესპუბლიკის მე-4 პერიოდული ანგარიშის (2014-2019 წწ.) განხილვა. განხილვაში მონაწილეობდნენ სომხეთის  იუსტიციის მინისტრის მოადგილე კარენ კარაპეტიანი და საერთაშორისო სამართლებრივი თანამშრომლობის დეპარტამენტის უფროსი ანაჰიტ აბრაჰამიანი.

კომიტეტს წარმოედგინა აზერბაიჯანის მიერ მთიანი ყარაბაღის მშვიდობიანი მოსახლეობის წინააღმდეგ გაჩაღებული სამხედრო ოპერაციების შედეგად შექმნილი ვითარების დეტალები და ეთნიკური წმენდის პოლიტიკა, აზერბაიჯანის შედეგად შექმნილ ჰუმანიტარულ კრიზისზე განსაკუთრებული მითითებით.  სომხეთის დელეგაციამ ასევე ისაუბრა მიმდინარე სამუშაოებსა და სამომავლო გეგმებზე, რომლებიც მიზნად ისახავს მთიანი ყარაბაღიდან იძულებით დევნილთა საჭიროებებისა და უფლებების უზრუნველყოფას. დელეგაციამ წარმოადგინა სომხეთის მიერ მიღწეული პროგრესი ანგარიშში წამოჭრილ საკითხებთან მიმართებაში, სექტორების მიხედვით. მინისტრის მოადგილემ კარენ კარაპეტიანმა წარმოადგინა მართლმსაჯულების სფეროში პაქტის მუხლების გამოყენების კონტექსტში, როგორც 2014-2019 წლებში,  ასევე 2019-2023 წლებში  სახელმწიფოს მიერ მიღწეული პროგრესი, რაც ეხება პაქტის მუხლების საკანონმდებლო დებულებასა და განხორციელებას, სასამართლო და ანტიკორუფციული რეფორმების პროცესს, სამართლებრივი თანასწორობის უზრუნველყოფას, ეროვნული უმცირესობების უფლებების შეუფერხებელ განხორციელებას,  არასრულწლოვანთა უფლებების დაცვას სასჯელაღსრულების დაწესებულებებში,  ქალთა მიმართ ძალადობისა და ოჯახში ძალადობის პრევენციას, მოწყვლადი ჯგუფებისთვის მართლმსაჯულების ხელმისაწვდომობას  და რიგ სხვა სფეროებში განხორციელებულ საკანონმდებლო რეფორმებსა და მიმოქცევაში არსებულ საკანონმდებლო პროექტებს.