სომხეთის პრემიერ-მინისტრმა ნიკოლ ფაშინიანმა განაცხადა, რომ სომხეთში დემოკრატია განიცდის ძლიერ დარტყმას. ამის შესახებ, როგორც “Armenpress”-ი იუწყება, ნიკოლ ფაშინიანმა ევროპარლამენტში სიტყვით გამოსვლისას განაცხადა.
„სომხეთში დემოკრატია ძლიერ დარტყმებს განიცდის, რომლებიც მოქმედებენ თითქმის ზუსტად განმეორებით სცენარში. გარე აგრესია, შემდეგ სომხეთის მოკავშირეების უმოქმედობა უსაფრთხოების სფეროში, შემდეგ ომის ან ჰუმანიტარული სიტუაციის ან გარე უსაფრთხოების საფრთხის გამოყენების მცდელობები სომხეთის დემოკრატიისა და სუვერენიტეტის დასამხობად, რაც გამოიხატება შიდა არასტაბილურობის პროვოცირებით ჰიბრიდული ტექნოლოგიებით, მიმართული გარე ძალების მხრივ“, – განაცხადა ფაშინიანმა.
პრემიერმა შეახსენა, რომ სომხეთს 2020 წლიდან მოყოლებული რამდენჯერმე განუცდია მსგავსი სიტუაციები, რომელთაგან ყველაზე დიდი იყო აზერბაიჯანის ფართომასშტაბიანი თავდასხმა სომხეთზე 2022 წლის 13 სექტემბერს, რამაც გამოიწვია სომხეთის სუვერენული ტერიტორიების ოკუპაცია.
„ასეთი უახლესი და ყველაზე ტრაგიკული შემთხვევები მოხდა სულ ცოტა ხნის წინ, როდესაც აზერბაიჯანმა, თავისი ეთნიკური წმენდის გრძელვადიანი პოლიტიკის შესასრულებლად, განახორციელა ფართომასშტაბიანი თავდასხმა მთიან ყარაბაღზე. იმ დროს, როცა ასიათასობით სომეხი მთიანი ყარაბაღიდან სომხეთის რესპუბლიკაში გარბოდა, უსაფრთხოების სექტორში ჩვენი მოკავშირეები არათუ არ დაგვეხმარნენ, არამედ გამოთქვამდნენ საჯარო მოწოდებებს სომხეთში ხელისუფლების შეცვლისა და დემოკრატიული მთავრობის დასამხობად.
მაგრამ სომხეთის რესპუბლიკის ხალხი გაერთიანდა საკუთარი დამოუკიდებლობის, სუვერენიტეტის, დემოკრატიისთვის და ჩვენი სახელმწიფოს წინააღმდეგ მორიგი შეთქმულება ჩავარდა. სომხეთის რესპუბლიკის მთავრობა და ხალხი ერთად დადგნენ, რათა გადაეჭრათ მთიანი ყარაბაღის ეთნიკური წმენდის მსხვერპლი 100 000-ზე მეტი სომეხისთვის თავშესაფრის მიღებისა და თავშესაფრის მიცემის პრობლემა და უნდა დავაფიქსირო, რომ ჩვენ ეს ღირსეულად გავაკეთეთ“, – დაასკვნა ფაშინიანმა.
