სომხეთის პრემიერ-მინისტრმა ნიკოლ ფაშინიანმა ერევანში ლიტვის პრემიერ-მინისტრ ინგრიდა შიმონიტესთან შეხვედრაზე ხაზგასმით აღნიშნა, რომ აზერბაიჯანსა და სომხეთს შორის მშვიდობისა და ურთიერთობების საგზაო რუკა არსებითად ჩამოყალიბდა ევროსაბჭოს პრეზიდენტის ჩარლზ მიშელის შუამავლობით ჩატარებულ აზერბაიჯანის პრეზიდენტისა და მისი შეხვედრების პროცესში.
ამის შესახებ ფაშინიანმა ლიტვის პრემიერ-მინისტრთან შეხვედრის შემდეგ სიტყვით გამოსვლისას განაცხადა.
„ხაზგასმით აღვნიშნე, რომ ბრიუსელში აზერბაიჯანის პრეზიდენტსა და ჩემს შეხვედრებზე, ევროსაბჭოს პრეზიდენტის, შარლ მიშელის შუამავლობით, არსებითად ჩამოყალიბდა საგზაო რუკა აზერბაიჯანსა და სომხეთს შორის მშვიდობისა და ურთიერთობების ნორმალიზაციისთვის, რომლის შესახებაც გრანადის ოთხმხრივ განცხადებაშია გამოხატული. მხარეთა ერთგულება ამ საგზაო რუკისადმი უზრუნველყოფს გარღვევას სამშვიდობო პროცესში“, – განაცხადა პრემიერმა.
ფაშინიანმა დაარწმუნა, რომ სომხეთი ადასტურებს და კიდევ ერთხელ გამოხატავს ერთგულებას ზემოხსენებული პრინციპებისადმი.
