ირანის ტერიტორიის გავლით სომხეთს გარე სამყაროსთან შეუძლია ჰქონდეს ძალიან მარტივი წვდომა. ირანელი მინისტრი

ჩვენ დავგეგმეთ ძალიან კარგი ინფრასტრუქტურული პროექტები კასპიის ზღვის აღმოსავლეთ და დასავლეთ ნაწილში და ამ მარშრუტით სომხეთს  გარე სამყაროსთან შეუძლია ძალიან მარტივი წვდომა. ამის შესახებ 23 ოქტომბერს, ერევანში ჟურნალისტებთან საუბარში განაცხადა ირანის გზებისა და ურბანული განვითარების მინისტრმა მეჰრდატ ბაზრფაშმა.

„ირანი არის ძალიან კომფორტული სივრცე გარე სამყაროში შესასვლელად. ის ასევე შეიძლება იყოს საქონლის სატრანზიტო გზა ჩიხების აღმოსაფხვრელად, რეგიონული თანამშრომლობის ხელშეწყობისა და წვლილისთვის. მომავალში, რა თქმა უნდა, უფრო სასიხარულო ამბებს მოვისმენთ ორ ქვეყანას შორის ურთიერთობების განვითარების შესახებ“, – აღნიშნა მან.