ევროკავშირის მისიის განლაგების შემდეგ აზერბაიჯანი არ შემოჭრილა სომხეთის ტერიტორიაზე  – რიტერი

ჩვენი ჩამოსვლის შემდეგ ინციდენტები შემცირდა, ხალხი სახლებს არ ტოვებს. ჩვენ გავზარდეთ საერთაშორისო ყურადღება კონფლიქტის მიმართ, მაგრამ თავისუფლად ვერ  ვიტყვით, ვინ დაიწყო ინციდენტი მიუკერძოებლობის უზრუნველსაყოფად. ამის შესახებ სომხეთში ევროკავშირის სამოქალაქო სადამკვირვებლო მისიის (EUMA) ხელმძღვანელმა მარკუს რიტერმა ანალიტიკური ცენტრის APRI Armenia-ს კონფერენციაზე „პროგრესი გაურკვევლობის პირობებში“ განაცხადა.

„ჩვენი მისია ემსახურება  პრევენციულ ფაქტორს. ხალხი თავს უფრო დაცულად გრძნობს. ჩვენთვის მნიშვნელოვანია მშვიდობიანი მოსახლეობასთან კომუნიკაცია და მათი განწყობის გაგება. ამის შესახებ ბრიუსელსაც ვაცნობთ. მაგრამ სერიოზული კონფლიქტის შემთხვევაში, ჩვენ უნდა დავტოვოთ საბრძოლო ზონა“, – თქვა რიტერმა და შეახსენა, რომ მისია სამოქალაქო ხასიათს ატარებს.

მან ხაზგასმით აღნიშნა, რომ მისიის განლაგების შემდეგ აზერბაიჯანის მხრიდან სომხეთის ტერიტორიაზე შეჭრა არ მომხდარა. “ეს არის მიზანი. მდგომარეობა სტაბილურია, მიმდინარეობს გამაგრებითი სამუშაოები“, – განმარტა რიტერმა.

ევროკავშირის წარმომადგენელმა დაარწმუნა, რომ მისია საიდუმლო ოპერაციებს არ ახორციელებს. მისი თქმით, დღეში 7-მდე პატრულირება ტარდება, სულ 1000-მდე პატრულირებაა ჩატარებული.

რაც შეეხება სომხეთში რუსი მესაზღვრეების ყოფნას, მისი თქმით, სირთულეები მხოლოდ კაპანის აეროპორტის მიმდებარე ტერიტორიის მონახულებისას წარმოიშვა.

„ჩვენ იქ სომხეთის უსაფრთხოების ძალების თანხლებით წავედით. ჩვენ  მონიტორინგისას არ გვჭირდება რაიმე მესამე მხარის უფლება, მხოლოდ სომხეთს ვაფრთხილებთ“, – დაასკვნა რიტერმა.