„3+3“ არის შესაფერისი პლატფორმა რეგიონის ქვეყნებთან კომუნიკაციისთვის – სომხეთის საგარეო საქმეთა მინისტრი
„3+3“ არის მოსახერხებელი პლატფორმა რეგიონის ქვეყნებთან კომუნიკაციისა და საერთო ინტერესის თემების განსახილველად. ამის შესახებ “Armenpress”-ის ცნობით, სომხეთის საგარეო საქმეთა მინისტრმა არარატ მირზოიანმა ეროვნულ ასამბლეაში მთავრობის წევრებთან კითხვა-პასუხის დროს განაცხადა, სადაც მან შეაჯამა 23 ოქტომბერს თეირანში გამართული “3+3” ფორმატის შეხვედრის შედეგები.
„ეს არის მოსახერხებელი პლატფორმა რეგიონის ქვეყნებთან კომუნიკაციისთვის, საერთო ინტერესის თემების განსახილველად.
რაც შეეხება ინფრასტრუქტურების განბლოკვას, ისევე როგორც ადრე, იმ დღესაცმქონდა საშუალება მეთქვა, რომ სომხეთის რესპუბლიკა დაინტერესებულია რეგიონის ინფრასტრუქტურების განბლოკვით, ბუნებრივია, სუვერენიტეტის, იურისდიქციის პრინციპების საფუძველზე“, – აღნიშნა მირზოიანმა.
საგარეო საქმეთა მინისტრმა ხაზგასმით აღნიშნა, რომ სომხეთის რესპუბლიკის მთავრობამ ამ ბლოკადის მოხსნის წახალისების შესაბამისი პროგრამაც კი შეიმუშავა და მის პოპულარიზაციას ეწევა, ამის ნათელი მაგალითია ბროშურის „მშვიდობის გზაჯვარედინო“ გამოქვეყნება.
„დარწმუნებულები ვართ, რომ სომხეთის ტერიტორიაზე გამავალი რეგიონული და საერთაშორისო საკომუნიკაციო და ლოგისტიკური ინფრასტრუქტურა ხელს შეუწყობს რეგიონში მშვიდობის დამყარებას და მისი პირველი ბენეფიციარი და პირველი პრომოუტერი სომხეთის რესპუბლიკაა.
რა თქმა უნდა, თუ არის ქვეყნები, რომლებიც ინფრასტრუქტურაზე სხვა მოსაზრებებით საუბრობენ, ან სხვა ქვეფენებსა და ქვეაზრს ურთავენ, ეს, რა თქმა უნდა, ვერ მოხდება. როგორც ვთქვი, ყველაფერი უნდა გაკეთდეს საერთაშორისო სამართლის შესაბამისად, ამ შემთხვევაში ჩვენი სუვერენიტეტისა და იურისდიქციის პატივისცემით“, – დაასკვნა მირზოიანმა.
