ევროკავშირი 10 მილიონ ევროს გამოყოფს სომხეთში განათლების შესაძლებლობების გასაფართოებლად
გლობალური კარიბჭის ფორუმის ფარგლებში სამეზობლო და გაფართოების საკითხებში ევროკომისარმა ოლივერ ვარჰელიმ და ევროპის საინვესტიციო ბანკის პრეზიდენტმა ვერნერ ჰეუერმა ხელი მოაწერეს ფინანსური პაკეტის ნაწილს, რომელიც მიზნად ისახავს სომხეთში საგანმანათლებლო ინფრასტრუქტურის გაუმჯობესებას. პაკეტი მოიცავს ევროკომისიის მიერ ევროპის საინვესტიციო ბანკის მეშვეობით 10 მილიონი ევროს გრანტს.
ამის შესახებ იტყობინება სომხეთში ევროკავშირის დელეგაცია.
დაფინანსებული პროექტი მოიცავს 2 სკოლისგარეშე განათლებისა და მასწავლებელთა მომზადების ცენტრის მშენებლობას სიუნიქში – კაპანსა და გორისის მუნიციპალიტეტებში. ცენტრებს ოპერირებას გაუწევს სომხეთის ბავშვების ფონდი (COAF).
ცენტრები უზრუნველყოფენ სკოლისგარეშე განათლების შესაძლებლობებს და ახალგაზრდულ სერვისებზე წვდომას 6-18 წლის ბავშვებისთვის. 6000-მდე სტუდენტი შეისწავლის მექანიკას, პროგრამირებას, მეწარმეობას, ენებს, ხელოვნებას, მუსიკას და მძლეოსნობას.
„ამას შეუძლია კიდევ უფრო გააძლიეროს კავშირი ფორმალურ და არაფორმალურ განათლებას შორის, რადგან ეს უკანასკნელი პირველის არსებითი მხარდაჭერაა. უფრო მეტიც, ამ ჭკვიანი ცენტრების მშენებლობა სიუნიქში ხელს შეუწყობს სომხეთის სამხრეთ რეგიონების განვითარების უფრო დიდ მიზანს“, – განაცხადა სომხეთის პრეზიდენტმა ვაჰაგნ ხაჩატურიანმა.
კომისარმა ოლივერ ვარჰელმა აღნიშნა, რომ მხარდაჭერის ეს განცხადება ევროკავშირის ერთგულების კიდევ ერთი დასტურია საგანმანათლებლო რეფორმების მიმართ სომხეთში. სომხეთში ევროკავშირის ეკონომიკური და საინვესტიციო გეგმის ფარგლებში განათლება პრიორიტეტულია.
„და მოხარული ვარ, რომ სიუნიქის რეგიონში არაფორმალური განათლების ორი ცენტრის მშენებლობა რეალობად იქცევა. ეს უზრუნველყოფს სოფლებში განათლების ხარისხის, სამუშაო ძალის განვითარებას და სომხეთის ახალგაზრდობას, მათ შორის მოწყვლად ჯგუფებს, მოამზადებს კონკურენტულ შრომის ბაზარზე შესაფერისი სამუშაოს მოსაძებნად. ეს არის სომხეთში განათლებისადმი ევროკავშირის ყოვლისმომცველი მიდგომის ნაწილი, რისთვისაც ჩვენ ახლახან გამოვყავით 32 მილიონი ევრო საბიუჯეტო მხარდაჭერა განათლების სტრატეგიის განხორციელებისთვის“, – განაცხადა კომისარმა.
