2024 წელს დავიწყებთ ტურისტული ინფრასტრუქტურის განვითარების ახალ პროგრამას – TRIP (Turizm regional ინფრასტრუქტურული პროექტი), რომლის ფარგლებშიც იგეგმება 20 ტურისტული კლასტერის განვითარების პროგრამა. ამის შესახებ სომხეთის ეკონომიკის მინისტრმა ვაჰან კერობიანმა პარლამენტის ეკონომიკურ საკითხთა და საფინანსო, საკრედიტო და საბიუჯეტო საკითხთა მუდმივმოქმედი კომიტეტების ერთობლივ სხდომაზე კანონპროექტის „სომხეთის რესპუბლიკის 2024 წლის სახელმწიფო ბიუჯეტის შესახებ“ განხილვისას განაცხადა.
მინისტრმა შეახსენა, რომ 2023 წლის პირველი 9 თვის განმავლობაში სომხეთში 1 მილიონ 850 ათასი ტურისტი ჩამოვიდა.
„სომხეთის სასაზღვრო პუნქტებზე მუდმივ კვლევას ვაწარმოებთ და წინასწარი მონაცემებით, სომხეთში 1 ტურისტი დაახლებით 1200 დოლარს ხარჯავს.
ჩვენი ეკონომიკური ანალიზის ცენტრის გათვლებით, 1 ტურისტიდან სომხეთის ბიუჯეტში დაახლოებით 44 ათასი დრამი შედის“, – განაცხადა მინისტრმა.
ქერობიანმა ასევე განაცხადა, რომ მთავრობის ინვესტიციები ტურიზმის სფეროში ბოლო 3 წლის განმავლობაში 6,5-ჯერ გაიზარდა, 2 მილიარდიდან 12 მილიარდამდე.
