ერევანმა მოსკოვიდან მიიღო რეკომენდაციები რომის სტატუტის რატიფიცირების პროცესთან დაკავშირებით
ოფიციალური ერევანი ადასტურებს, რომ რუსეთის მხრიდან მიიღო რეკომენდაციები სომხეთის მიერ რომის სტატუტის რატიფიცირების პროცესთან დაკავშირებით.
საგარეო სამინისტროს ინფორმაციით, რეკომენდაციებს ერევანიც გამოეხმაურა. თუმცა, რა რეკომენდაციებზეა საუბარი, საგარეო საქმეთა სამინისტროში არ განმარტავენ.
„აზატუიანის“ შეკითხვაზე საგარეო საქმეთა სამინისტრომ მხოლოდ განაცხადა: – „რუსული მხარის მიერ სომხეთის მიერ რომის სტატუტის რატიფიცირების პროცესთან დაკავშირებით გადმოცემული რეკომენდაციების კონტექსტში, სომხურმა მხარემ წარმოადგინა წინადადება შესაბამისი ორმხრივი შეთანხმების ხელმოწერის შესახებ, რომელსაც შეუძლია გააქარწყლოს რუსეთის ფედერაციის შეშფოთება. რუსულმა მხარემ სომხურ მხარეს ოფიციალური წერილობითი პასუხი არ წარუდგინა“.
3 ოქტომბერს ეროვნულმა ასამბლეამ 60 ხმით „სამოქალაქო შეთანხმების“ სასარგებლოდ რომის სტატუტის რატიფიცირება მოახდინა. რუსეთის საგარეო საქმეთა მინისტრის მოადგილემ მიხეილ გალუზინმა ასევე განაცხადა, რომ სომხეთის მიერ რომის სტატუტის რატიფიცირებას “აბსოლუტურად არამეგობრულ ნაბიჯად” მიიჩნევენ. მან ასევე აცნობა, რომ მოსკოვმა ერევანს გარკვეული წინადადებები წარუდგინა, „მაგრამ სიტუაციიდან გამომდინარე, ერევანი ან ჯერ კიდევ ფიქრობს, ან გადაწყვიტეს უარი თქვან მათზე“.
