23-დან 28 ოქტომბრის ჩათვლით საქართველოში იმყოფებოდა სრ ცესკოს დელეგაცია, რომელსაც 23 ოქტომბერს უმასპინძლა საქართველოს ცესკომ. დელეგაციის შემადგენლობაში იყვნენ ცესკოს მდივანი არმენ სმბატიანი და ცესკოს წევრი ანა გრიგორიანი, რომელსაც ცესკოს პრეზიდენტი ვაჰაგნ ჰოვაკიმიანი ხელმძღვანელობდა.
News.am-ის გადმოცემით, ცესკოს დელეგაციას ასევე უმასპინძლა საქართველოს ცესკოს საარჩევნო სისტემების განვითარების, რეფორმისა და სასწავლო ცენტრმა. ცენტრი დაარსდა 2009 წლის 28 დეკემბერს, რომლის მთავარი მიზანი იყო ამომრჩეველთა ნდობის გაზრდა საარჩევნო პროცედურების მიმართ და მიუკერძოებელი, გამჭვირვალე არჩევნების ორგანიზების ხელშეწყობას.
ცენტრი თავის საქმიანობას ახორციელებს შემდეგი მიმართულებებით:
საარჩევნო რეფორმების მხარდაჭერა,
საარჩევნო სისტემების გაუმჯობესებისკენ მიმართული წინადადებებისა და რეკომენდაციების შემუშავება,
საერთაშორისო ორგანიზაციებთან თანამშრომლობის ფარგლებში საარჩევნო ადმინისტრაციისა და პერსონალის, პოლიტიკური პარტიების, არასამთავრობო ორგანიზაციების, მედიის წარმომადგენლების, ამომრჩევლების და სხვა დაინტერესებული პირების გადამზადება და გადაკვალიფიკაცია,
ცესკოს გადაწყვეტილებით საარჩევნო ორგანოს თანამდებობის პირთა სერტიფიცირების ჩატარება,
მონიტორინგის განხორციელება იურისდიქციის ფარგლებში.
25-26 ოქტომბერს ცესკოს დელეგაციამ მონაწილეობა მიიღო ქალაქ ბათუმში მე-11 ყოველწლიურ კონფერენციაში თემაზე: „დეზინფორმაცია არჩევნებში საინფორმაციო და საკომუნიკაციო ტექნოლოგიების გამოყენებით“.
კონფერენციაზე განხილული საკითხებია: ელექტრონული ხმის მიცემის გადაწყვეტილებების დანერგვის გამოწვევების დაძლევა, ციფრული ტექნოლოგიები არჩევნებში, დეზინფორმაციული კამპანიები არჩევნების დროს.
ცესკოს მდივანმა არმენ სმბატიანმა წარმოადგინა სომხეთის ცენტრალური საარჩევნო კომისიის გამოცდილება, ისაუბრა ცესკოს სასწავლო ცენტრის ხედვაზე, ცესკოს საინფორმაციო ტექნოლოგიებსა და სისტემებზე.
