30 ოქტომბერს სომხეთის ბევრმა მოქალაქემ, რომლებიც სარგებლობენ Apple-ის ტელეფონებით, მიიღო შეტყობინება, რომ იყო ჰაკერული გუნდის თავდასხმის მცდელობა.
ინფორმაციული უსაფრთხოების საკითხებში ექსპერტმა სამველ მარტიროსიანმა Armenpress-ის პრეს-დარბაზში გამართულ პრესკონფერენციაზე განაცხადა, რომ ეს ახალი კი არა, არამედ სხვა შემთხვევების გაგრძელება. ჯერ კიდევ 2020 წელს, აზერბაიჯანის მიერ გაჩაღებული ომის შემდეგ, იყო ტელეფონების გატეხვის რამდენიმე ტალღა.
„მიღებულ შეტყობინებაში არ არის აღნიშნული, რომელი ჰაკერების გუნდია, ვის მიერაა. შემიძლია ვთქვა, რომ შესწავლილი შემთხვევების უმეტესობა ტელეფონში “პეგასუსის” ჯაშუშური პროგრამის დანერგვას უკავშირდება. ეს არის ჯაშუშური პროგრამა, რომელიც შექმნილია ისრაელის კერძო კომპანიის მიერ, რომელიც მიეყიდება რამდენიმე ქვეყნის სამთავრობო უწყებებს. აზერბაიჯანი ამ საკითხში ყველაზე გამორჩეული მომხმარებელია. რაც შეეხება სომხეთს, ეს არის ყველაზე არაჩვეულებრივი შემთხვევა იმ თვალსაზრისით, რომ აზერბაიჯანი რეალურად იყენებს ამ პროგრამას, როგორც კიბერიარაღს სომხეთის წინააღმდეგ, ისრაელის მთავრობის ნებართვით“, – განაცხადა სამველ მარტიროსიანმა.
„CyberHUB-AM“-ის თანადამფუძნებლის არტურ პაპიანის თქმით, თუ „ანდროიდის“ ოპერაციული სისტემის მომხმარებლებმა არ მიიღეს ასეთი შეტყობინება, ეს ჯერ კიდევ არ ნიშნავს იმას, რომ მათი ტელეფონებზე თავდასხმა არ იყო.
ინფორმაციული უსაფრთხოების ექსპერტმა სამველ მარტიროსიანმა აცნობა, რომ ამ შემთხვევაში შესაძლოა პირმა რაიმე ქმედება არ მიიღოს და ტელეფონი მაინც დაინფიცირდეს.
„დაინფიცირების შემთხვევაში ჰაკერების ჯგუფი ფლობს მოცემული ტელეფონის ყველა ინფორმაციას, ყველაფერს, რაც ტელეფონშია“, – განაცხადა სამველ მარტიროსიანმა.
რა მოხდება, თუ, ნებისმიერ შემთხვევაში, ჰაკერული შეტევა წარმატებული იყო და ტელეფონი დაინფიცირდა? არტურ პაპიანმა აღნიშნა, რომ მსგავს შემთხვევებში „Apple“ ავრცელებს უსაფრთხოების განახლებას, რომლის დანერგვაც ძალიან მნიშვნელოვანია. “Apple”-მა ასევე შექმნა “Lockdown Mode” ინსტრუმენტი, რომელიც ასევე უნდა იყოს გააქტიურებული.
რამდენი ადამიანი იყო სამიზნე ამ ხნის განმავლობაში? სამველ მარტიროსიანს კონკრეტული რიცხვი არ დაუკონკრეტებია, თუმცა ამბობს, რომ ამ ეტაპზე საუბარია რამდენიმე 100-მდე მაჩვენებელზე.
ექსპერტების თქმით, ტელეფონის ყოველი დაინფიცირება საკმაოდ ძვირი ჯდება, 20 ათასი დოლარიდან 60 ათას დოლარამდე.
