სომხეთის რესპუბლიკის ვიცე-პრემიერი მჰერ გრიგორიანი შეხვდა იაპონიის ელჩს ფუკუშიმა მასანორს, რომელიც ამთავრებს დიპლომატიურ მისიას სომხეთში.
როგორც ვიცე-პრემიერის აპარატის გზავნილიდან ირკვევა, შეხვედრის დასაწყისში მჰერ გრიგორიანმა ხაზი გაუსვა სომხურ-იაპონური მეგობრული ურთიერთობების განვითარების მნიშვნელობას, მადლობა გადაუხადა ელჩს გაწეული სამუშაოსთვის და ახალი წარმატებები უსურვა მას მომავალ საქმიანობაში.
ვიცე-პრემიერმა იაპონიის ელჩს წარუდგინა მთიანი ყარაბაღიდან 100 000-ზე მეტი იძულებით დევნილი ლტოლვილის მოკლევადიანი და საშუალოვადიანი საჭიროებები და მადლობა გადაუხადა იაპონიას რთულ სიტუაციებში სომხეთის მხარდაჭერისთვის.
მხარეებმა განიხილეს ორ ქვეყანას შორის სავაჭრო-ეკონომიკური ურთიერთობების განვითარების შესაძლებლობები და ხაზი გაუსვეს მაღალი ტექნოლოგიების, განათლებისა და ტურიზმის სფეროებში თანამშრომლობის დიდი პოტენციალის რეალიზებას.
