ისრაელ-პალესტინის ქმედებებმა როგორ შეიძლება გავლენა იქონიოს ენერგეტიკულ ბაზარზე
HARQ Analytics წარმოგიდგენთ რუსეთის საერთაშორისო საქმეთა საბჭოს სტატიას ღაზას სექტორის ოპერაციის გავლენის შესახებ გლობალურ საწვავ-ენერგო კომპლექსზე. აღნიშნულია, რომ რეგიონში კონფლიქტის შესაძლო ესკალაციის შედეგებმა შეიძლება მნიშვნელოვნად იმოქმედოს გლობალურ ენერგეტიკულ ბაზარზე.
ანალიტიკოსები მიიჩნევენ, რომ მთავარი შეშფოთება დაკავშირებულია მსოფლიო ბაზარზე ენერგომატარებლების მიწოდების შესაძლო შეფერხებებთან. ერთ-ერთი მთავარი ფაქტორია სუეცის არხი, რომელიც მნიშვნელოვან როლს ასრულებს ნავთობის ტრანსპორტირებაში. კონფლიქტის გამო არხის ჩაკეტვა ნავთობზე ფასების მნიშვნელოვან ზრდას გამოიწვევს, რაც ევროკავშირის ეკონომიკას დააზარალებს. შესაძლოა ევროკავშირის ქვეყნებს რუსული ნავთობის იმპორტზე შეზღუდვების ნაწილობრივ მოხსნა მოუწიონ.
გარდა ამისა, კონფლიქტის ესკალაციის შემთხვევაში, დასავლეთის მხრიდან ირანზე სერიოზულმა ზეწოლამ შესაძლოა აიძულოს თეირანი მიმართოს ორმუზის სრუტის დახურვას. ეს სრუტე არის მსოფლიო ენერგეტიკული ბაზრის ყველაზე მნიშვნელოვანი სატრანსპორტო არტერია და აკავშირებს სპარსეთის ყურეს ინდოეთის ოკეანესთან. მასზე წვდომის დაკარგვამ შეიძლება სერიოზულად იმოქმედოს ნავთობისა და გაზის მიწოდებაზე, ასევე ამ რესურსებით გლობალურ ვაჭრობაზე.
რეგიონში სიტუაციის გაუარესებამ და ირანზე ზეწოლამ შესაძლოა აიძულოს თეირანი გამოვიდეს ერთობლივი ყოვლისმომცველი სამოქმედო გეგმიდან და განაახლოს ბირთვული პროგრამა. ამან შეიძლება შექმნას დაძაბულობა საერთაშორისო ურთიერთობებში და გააუარესოს გლობალური ბირთვული უსაფრთხოების ვითარება. გარდა ამისა, კონფლიქტის მასშტაბებიდან გამომდინარე, შესაძლებელია დაწესდეს ნავთობის ემბარგო ან ნავთობისა და გაზის მიწოდების შეზღუდვები, რაც მოხდა 1973 წლის არაბეთ-ისრაელის ომის შემდეგ.
