დერეფნის საკითხი, ჩემი შთაბეჭდილებით, აზერბაიჯანისა და თურქეთის დღის წესრიგიდან გასულია   –   გევორგ პაპოიანი

რეალური მოლაპარაკებები მიმდინარეობს არა შეხვედრების დროს, არამედ საკონსულტაციო არხებით, დოკუმენტების  გაცვლით.  ამის შესახებ დღეს, 8 ნოემბერს, ეროვნულ ასამბლეაში ჟურნალისტებთან საუბარში პარტია „სამოქალაქო შეთანხმების“ დეპუტატმა გევორგ პაპოიანმა ისაუბრა იმაზე, რომ სომხურ-აზერბაიჯანულ მოლაპარაკებებში ბოლო პერიოდში თითქოს პაუზაა.

„საბოლოოდ, როდესაც ქვეყნების ლიდერები იკრიბებიან, ისინი, ფაქტობრივად, აჯამებენ გაწეულ სამუშაოს და გამოდიან გარკვეული დასკვნებით. ვფიქრობ, ამ თვალსაზრისით პროცესი არ გაჩერებულა. შესაძლოა, აქტიური შეხვედრები არ არის და მათზე შეიძლება გავლენა იქონიოს სხვადასხვა გეოპოლიტიკურმა ფაქტორმა, მათ შორის არაბეთ-ისრაელის ომმა. ეს სომხეთისთვის რისკებს შეიცავს, რადგან მსოფლიოს ყურადღება მიპყრობილია  ამ საკითხზე, მაგრამ უნდა ითქვას, რომ ფრთხილი ოპტიმიზმი, რომელიც დაკავშირებულია 2024 წელს სამშვიდობო შეთანხმების ხელმოწერასთან, რჩება, რადგან, ზოგადად, მთავარი საკითხების ირგვლივ არის ურთიერთგაგება“, – განაცხადა მან.

პაპოიანის თქმით, ერთადერთი საკითხი, რაზეც უბრალოდ არ იყო ურთიერთგაგება იყო ე.წ. „დერეფნის საკითხი“.  „მაგრამ ეს საკითხი, ჩემი შთაბეჭდილებით, აზერბაიჯანისა და თურქეთის საჯარო განცხადებებიდან მაინც გამოტოვებულია. პირიქით, ამბობენ, რომ არ სჭირდებათ, რადგან ეკონომიკურად მათთვის უფრო მოსახერხებელი გზა იპოვეს. დიდი ხნის განმავლობაში სწორედ ეს აფერხებდა პროცესს, რადგან ეს არის წითელი ხაზი სომხეთისთვის.

ვფიქრობ, სომხეთს არაფერი უშლის ხელს დაჯდეს და იმუშაოს საბოლოო ტექსტზე. ჩვენ მზად ვართ, 1974-1975 წლების რუკებზე დაყრდნობით, რომელთა ასლებიც, როგორც ვიცი, ორივე მხარე  აქვს, უნდა შეთანხმდნენ დემარკაციაზე, დელიმიტაციაზე, გზების განბლოკვაზე“, – განაცხადა დეპუტატმა და დასძინა, რომ თუ ეს პროცესი გაგრძელდება და ტერიტორიების ურთიერთაღიარება მოხდება,  სომხეთი ვერ ხედავს რაიმე დაბრკოლებას სამშვიდობო ხელშეკრულების გაფორმებისთვის.