სომხეთის კუხო-დან გასვლის სამართლებრივი პროცესი არ არსებობს. ამის შესახებ საგარეო საქმეთა მინისტრის მოადგილემ ვაჰან კოსტანიანმა ჟურნალისტებთან საუბარში განაცხადა.
კითხვაზე, მიიღებს თუ არა სომხეთი მონაწილეობას 23 ნოემბერს მინსკში გამართულ კუხო-ს სამიტში, მინისტრის მოადგილემ განაცხადა, რომ გადაწყვეტილება მიღებული არ არის.
„გადაწყვეტილების მიღების შემთხვევაში ამის შესახებ საზოგადოებას ეცნობება“, – განაცხადა კოსტანიანმა.
„თეორიულად, ჩვენ შეგვიძლია მონაწილეობა მივიღოთ ან არ მივიღოთ. ამჟამად კუხო-დან გასვლის სამართლებრივი პროცესი არ განიხილება“.
