ამ დროისთვის სომხეთსა და აზერბაიჯანს შორის რაიმე მაღალი დონის შეხვედრაზე შეთანხმება არ არსებობს. ამის შესახებ ჟურნალისტებთან გამართულ ბრიფინგზე საგარეო საქმეთა მინისტრის მოადგილემ ვაჰან კოსტანიანმა განაცხადა.
„ამ დროისთვის რაიმე კონკრეტულ შეხვედრაზე შეთანხმება არ არის. შეხვედრა ლიდერების დონეზე არ შედგა, მაგრამ შუამავლები ასრულებენ გარკვეულ სამუშაოებს ახალი შეხვედრის ორგანიზების მიზნით. ველოდებით ახალ შეხვედრას. ამ ეტაპზე რთული იქნება შეხვედრის დონის, ადგილისა და შუამავლის შესახებ საუბარი“, – განაცხადა კოსტანიანმა.
