სრ პრემიერ-მინისტრმა ნიკოლ ფაშინიანმა პარიზში გამართულ „მშვიდობის მე-6 ფორუმზე“ კითხვა-პასუხის დროს ევროკავშირის გაფართოების პროცესზე ისაუბრა.
“არმენპრესის” ინფორმაციით, ნიკოლ ფაშინიანი მიესალმა ევროკომისიის გადაწყვეტილებას საქართველოს ევროსაბჭოს კანდიდატის სტატუსის მინიჭების შესახებ.
„ეს ძალიან მნიშვნელოვანია. პრემიერ ღარიბაშვილს ახლა არ მივულოცავ, ოფიციალურად მივულოცავ, როცა ევროსაბჭო გადაწყვეტილებას მიიღებს. ვფიქრობთ, ეს ძალიან მნიშვნელოვანი პროცესია და ძალიან ყურადღებით ვაკვირდებით მოვლენებს. ჩვენ ვიმედოვნებთ და ვუსურვებთ საქართველოს წარმატებებს ამ გზაზე. სამწუხაროდ, როგორც პრემიერ-მინისტრმა ღარიბაშვილმა განაცხადა, მსოფლიოში ბევრი კონფლიქტი გვაქვს და ჩვენი ერთობლივი ამოცანაა გავაგრძელოთ მუშაობა ყველა კონფლიქტის მოსაგვარებლად, იმის გაგებით, რომ ეს არ არის ადვილი საქმე. ადვილი რომ ყოფილიყო, დიდი ხნის წინ მოგვარებული იქნებოდა. ჩვენი პირადი და პოლიტიკური მოვალეობაა ძალისხმევა მივმართოთ კონფლიქტის მოგვარებას და ძალა არ დავიშუროთ წარმატების მისაღწევად“, – განაცხადა სრ პრემიერ-მინისტრმა.
