საფრანგეთსა და სომხეთს შორის თანამშრომლობა გაგრძელდება. ამის შესახებ 14 ნოემბერს ჟურნალისტებთან საუბარში განაცხადა მმართველი ფრაქცია „სამოქალაქო შეთანხმების“ დეპუტატმა, პარლამენტის ევროინტეგრაციის მუდმივმოქმედი კომიტეტის თავმჯდომარემ არმან ეღოიანმა.
მან აღნიშნა, რომ ამაში უკანონო არაფერია და თანამშრომლობა მოლაპარაკებების წინააღმდეგ არ არის მიმართული. ეღოიანმა აღნიშნა, რომ ნებისმიერი ქვეყანა აღჭურავს თავის არმიას ისე, როგორც მას მიზანშეწონილად ჩათვლის. „როგორც აზერბაიჯანი აღჭურავს თავის არმიას პარტნიორებისგან იარაღის შეძენით, ასევე ჩვენ ვყიდულობთ იარაღს და სამხედრო აღჭურვილობას ჩვენი პარტნიორებისგან. სამშვიდობო ხელშეკრულებისთვის ყველაზე მნიშვნელოვანია რეგიონში პოლიტიკური და სამხედრო-პოლიტიკური ბალანსის შექმნა. სამშვიდობო შეთანხმება ამყარებს ადგილზე არსებულ მდგომარეობას“, – აღნიშნა დეპუტატმა.
