15 ნოემბერს ბრიუსელში სომხეთის საგარეო საქმეთა მინისტრი არარატ მირზოიანი ევროპარლამენტის პრეზიდენტს რობერტა მეცოლას შეხვდა. ამის შესახებ განცხადებას ავრცელებს სრ საგარეო საქმეთა სამინისტრო.
ოქტომბერში სრ პრემიერ-მინისტრთან დისკუსიის გაგრძელებით არარატ მირზოიანმა და რობერტა მეცოლამ აზრები გაცვალეს სრ-ევროკავშირის ყოვლისმომცველი პარტნიორობის დღის წესრიგის ძირითად მიმართულებებზე, მის გაღრმავებაზე მიმართული ერთობლივი ძალისხმევის შესახებ.
ორივე მხარემ გამოთქვა მზადყოფნა, წამოიწყოს დამატებითი ნაბიჯები ევროპარლამენტსა და სრ ეროვნულ ასამბლეას შორის თანამშრომლობის გაღრმავების მიმართულებით.
მაღალი შეფასება მისცა რა ევროპარლამენტის მიერ გამოთქმულ პრინციპულ პოზიციასა და მიღებული რეზოლუციებში სომხეთისთვის უდიდეს მნიშვნელობის საკითხებს, მინისტრმა მირზოიანმა ხაზი გაუსვა სომხეთში დემოკრატიის მუდმივი მხარდაჭერისა და რეგიონში მშვიდობის დამყარების რეალური ძალისხმევის მნიშვნელობას. ამ მიმართულებით სრ-ს მიდგომებთან დაკავშირებით, მინისტრმა მირზოიანმა ხაზგასმით აღნიშნა, რომ შესაძლებელი იქნება რეგიონში მშვიდობის მიღწევა, თუ აზერბაიჯანი დაიცავს ოქტომბერში გრანადაში მიღებული განცხადებით დადასტურებულ პრინციპებს, საერთაშორისო პარტნიორების აქტიურ ჩართვას. აქცენტი გაკეთდა ძალის ან ძალის საფრთხის გამორიცხვაზე და ისეთი პროგრამების განხორციელებაზე, როგორიც არის სრ მთავრობის მიერ წარმოდგენილი „მშვიდობის გზაჯვარედინი“.
არარატ მირზოიანმა ევროპარლამენტის პრეზიდენტს წარუდგინა ნაბიჯები, რომლებიც მიზნად ისახავს 100 000-ზე მეტი ლტოლვილის პირველადი საჭიროებებისა და უფლებების დაკმაყოფილებას, რომლებიც აზერბაიჯანის მიერ 10 თვიანი ბლოკადის და 19 სექტემბრის სამხედრო თავდასხმის შედეგად მთიანი ყარაბაღიდან იძულებით გადაადგილდნენ და თავი შეაფარეს სომხეთს.
