სომხეთმა და აზერბაიჯანმა მას შემდეგ მოგვმართეს, როცა  მიხვდნენ, რომ რუსეთი არ არის პატიოსანი შუამავალი – სტანო

ჩვენი ორმხრივი თანამშრომლობა ერთთან არ არის მიმართული მეორის წინააღმდეგ. ჩვენ არ ვაკეთებთ შავ გარიგებებს მაგიდის ქვეშ ფარული დღის წესრიგით. ამის შესახებ ევროკავშირის საგარეო საქმეთა საკითხებში მთავარმა წარმომადგენელმა პიტერ სტანომ „Armenpress“-თან  ინტერვიუში აღნიშნა აზერბაიჯანის საგარეო საქმეთა სამინისტროს განცხადებაზე, სადაც ევროკავშირი მკაცრად გააკრიტიკეს და მუქარაც კი გამოითქვეს, რომ ევროკავშირს გასცემენ  ადეკვატურ პასუხს.

„ევროკავშირი არ ეწევა  არასტაბილურობის პროვოცირებას. ეს არ არის ევროკავშირი, რომელიც დგამს ცალმხრივ სამხედრო ნაბიჯებს. მაგრამ ის, რაც მთიანი ყარაბაღის შემთხვევაში ვნახეთ, იყო ცალმხრივი სამხედრო სვლა, დაიწყო სამხედრო ოპერაცია, მიუხედავად ადრე მიცემული გარანტიებისა, რომ საკითხი სამხედრო გზით არ მოგვარდებოდა. ამიტომ, სანამ სხვისკენ თითს გაიშვერდა, კარგი იქნებოდა, რომ ზოგიერთს ცოტა თავმოყვარეობა ჰქონოდა“, – განაცხადა მან.

სტანომ დასძინა, რომ ევროკავშირი მუშაობს რეგიონში სტაბილურობის დასამყარებლად, რათა თავიდან აიცილოს სამხედრო ოპერაციები და ცალმხრივი ნაბიჯები.

„ჩვენ ვდგავართ იქ, სადაც აუცილებელია, რათა  წვლილი შევიტანოთ ან გავაგრძელოთ წვლილის შეტანა სომხეთსა და აზერბაიჯანს შორის ურთიერთობების ნორმალიზაციის პროცესში. ჩვენ ეს კიდევ ერთხელ დავადასტურეთ ევროკავშირის საბჭოს შეხვედრისა და საგარეო საქმეთა მინისტრების საბჭოს შეხვედრის შემდეგ.

ამ კვირის შეხვედრაზე ჩვენ მოვუწოდეთ სომხეთსა და აზერბაიჯანს, განაახლონ მოლაპარაკებები და გადაწყვიტონ ყველა გადაუჭრელი საკითხი სამშვიდობო ხელშეკრულების დასადებად. იდეალური იქნება, თუ ეს წლის ბოლომდე მოხდება. ჩვენ აქ ვართ მხარდასაჭერად, მაგრამ, რა თქმა უნდა, ვერ ვაიძულებთ. ევროკავშირი არის პატიოსანი შუამავალი ყოველგვარი ფარული დღის წესრიგის გარეშე. ჩვენი ერთადერთი მიზანია მშვიდობა, სტაბილურობა და კეთილდღეობა ყველასათვის“.

რაც შეეხება იმას, რომ აზერბაიჯანულმა მხარემ ბოლო მომენტში ჯერ უარი თქვა გრანადაში შეხვედრაზე, შემდეგ კი ოქტომბრის ბოლოს ბრიუსელში დაგეგმილ შეხვედრაზე, განაცხადა სტატომ. „ჩვენი, როგორც შუამავლის ან კოორდინატორის როლი ნამდვილად არ არის ერთი მხარის ან მეორის ქცევის შეფასება. ჩვენი როლი და ძალისხმევა ორიენტირებულია იმაზე, რომ ვიყოთ ორივე მხარისთვის, სანამ მათ სურთ, რომ დავეხმაროთ მათ გადაწყვეტილებების პოვნაში. ჩვენ შუამავლები ვართ. ჩვენ ვერ ვაიძულებთ  მათ.

ჩვენ მზად ვართ გავაგრძელოთ ჩვენი მომსახურების  შეთავაზება ამ პროცესში, რადგან საბოლოოდ ორივე მხარე მოგვმართა მას შემდეგ, რაც გააცნობიერეს, რომ რუსეთი არ არის პატიოსანი შუამავალი, როდესაც მიხვდნენ, რომ რუსეთზე დაყრდნობა  ნამდვილად არ შეიძლება, რადგან რუსეთს აქვს თავისი ფარული დღის წესრიგი.

სომხეთის შემთხვევაში კი რუსეთმა სომხეთის წინაშე აღებული ვალდებულებები დიდწილად ვერ შეასრულა. ასე რომ, ჩვენ იქ იმიტომ ვართ, რომ ჩვენ ვართ პატიოსანი შუამავალი, ჩვენ ყველაფერს გავაკეთებთ, რადგან ჩვენი საუკეთესო მოტივაცია ან ყველაზე ძლიერი მოტივაცია ჩვენი საკუთარი ამბავია“, – თქვა მან.