არსებობს გაგება, რომ სომხეთ-აზერბაიჯანის დარეგულირება არ უნდა იყოს „3+3“ ფორმატში განხილვის საგანი. კლაარი

მე არ მაქვს კონკრეტული მოსაზრება, ჩვენი გადმოსახედიდან ჩვენ განვიხილავთ როგორც ბოლო, ისე წინა შეხვედრებს 3+3 ფორმატში, როგორც ფორმატში, სადაც რეგიონის ქვეყნებს, რომლებსაც რა თქმა უნდა აქვთ პრობლემები, შეუძლიათ განიხილონ ისინი, როგორც მეზობლებმა. ამის შესახებ ევროკავშირის სპეციალურმა წარმომადგენელმა სამხრეთ კავკასიასა და საქართველოში კრიზისის საკითხებში ტოივო კლაარმა განაცხადა Armenpress-თან ინტერვიუში.

„ამავდროულად, ისიც მესმის, რომ თავიდანვე მაინც იყო გააზრებული, რომ განსაკუთრებით კონფლიქტი, სამშვიდობო შეთანხმება, მოწესრიგება, ნამდვილად არ უნდა იყოს ამ ფორმატში განხილვის საგანი. ასე რომ, კიდევ ერთხელ, ჩვენთვის ყველაზე მნიშვნელოვანი პროგრესია, და რომელ პლატფორმაზე იქნება, ამას გაცილებით ნაკლები მნიშვნელობა აქვს. მაგრამ ჩვენ მიგვაჩნია, რომ რეალურად, ჩვენი აზრით, არ არსებობს რეალური მიზეზი იმისა, რომ ჩვენ ვერ მივაღწევთ სერიოზულ პროგრესს მოგვარების პროცესში, რადგან ჩვენთვის მაგიდაზე არსებული საკითხები ძალიან ცოტაა და მიგვაჩნია, რომ ისინი არაერთხელ განიხილეს. ამიტომ, ჩვენ რეალურად ვერ ვხედავთ მიზეზს, თუ რატომ ვერ მივიწევთ წინ და რატომ ვერ ახერხებენ აზერბაიჯანი და სომხეთი ძალიან სწრაფად იმოძრაონ ურთიერთობების ნორმალიზების მიმართულებით“, – განაცხადა მან.