თითოეულ ქვეყანას აქვს უფლება შეიძინოს ის იარაღი, რომელიც საჭიროდ მიაჩნია. კლაარი სომხეთის შეიარაღების შესახებ
მე ვფიქრობ, რომ ყველა ქვეყანას აქვს უფლება დაიცვას თავი და შეიძინოს ის იარაღი, რომელსაც საჭიროდ მიიჩნევს თავისი ტერიტორიის დასაცავად. ამის შესახებ Armenpress-თან ინტერვიუში აღნიშნა ევროკავშირის სპეციალურმა წარმომადგენელმა სამხრეთ კავკასიასა და საქართველოში კრიზისის საკითხებში, ტოივო კლაარმა. მან დასძინა, რომ აზერბაიჯანი აკრიტიკებს სომხეთის შეიარაღებას, მაშინ როცა მას სამჯერ მეტი სამხედრო ბიუჯეტი აქვს, საბრძოლო მასალის მქონე თვითმფრინავები კი არ წყვეტენ დაშვებას ბაქოს აეროპორტში.
„ეს არის ჩემი მარტივი პასუხი. მსოფლიოს ქვეყნების უმეტესობა იარაღს საზღვარგარეთიდან ყიდულობს საკუთარი ტერიტორიის დასაცავად. ასე რომ, ამ თვალსაზრისით, ამაში არაფერია სანახაობრივი ან ცუდი“, – თქვა მან.
დაკვირვებაზე, რომ აზერბაიჯანის საგარეო საქმეთა სამინისტრომ გააკრიტიკა ჟოზეპ ბორელის განცხადებები ევროკავშირის საგარეო საქმეთა მინისტრების საბჭოს შეხვედრის შემდეგ და აღნიშნა, რომ „იარაღის მიწოდებით ევროკავშირი ხელს უწყობს სომხეთის მილიტარიზაციის პოლიტიკას, რომელიც ძირს უთხრის მშვიდობას და სტაბილურობას რეგიონში“. აზერბაიჯანმა ასევე გამოაცხადა, რომ ევროკავშირი მიიღებს ადეკვატურ პასუხს, ფაქტობრივად დაემუქრება არა მარტო სომხეთს, არამედ ევროკავშირსაც, აღნიშნა კლაარმა. „ჩვენ დიდად მივესალმებით სომხეთის მთავრობის ინტერესს გააფართოვოს ურთიერთობები ევროკავშირთან. რაც შეეხება სომხეთის მხარდაჭერას ევროპის მშვიდობის ფონდის ფარგლებში, ჩვენი გადმოსახედიდან ეს ეხება პოტენციურ მხარდაჭერას ზოგიერთ სფეროებში, სადაც სომხეთი თავს დაუცველად მიიჩნევს, მაგალითად როგორც ერთ-ერთი მათგანი მოხსენიებულია კიბერუსაფრთხოება. და კიდევ, თუ ეს წინ წავა, რადგან ის ჯერ კიდევ დაგეგმვის ეტაპებზეა, ჩვენ მას არ აღვიქვამთ როგორც ვინმეს წინააღმდეგ სვლას.
პირიქით, ეს კეთდება სომხეთის სუვერენიტეტის განმტკიცების მიზნით, რაც, ვფიქრობ, ყველასთვის მომგებიანია, არა მარტო სომხეთისთვის, არამედ სომხეთის მეზობლებისა და ფართო საერთაშორისო საზოგადოებისთვის. ჩვენ გვინდა გვყავდეს ძლიერი, თავდაჯერებული სომხეთი, რომელიც არის კარგი პარტნიორი ევროკავშირისთვის და თანაბრად კარგი პარტნიორი მისი მეზობლებისთვის, მათ შორის აზერბაიჯანისთვის“.
