სრ-ის თავდაცვის სამინისტრო უკრაინისთვის რაკეტების მიწოდების შესახებ ხმებს უარყოფს

სომხეთის თავდაცვის სამინისტრო უარყოფს არაერთ უცხოურ და სომხურ მედიაში გავრცელებულ ინფორმაციას იმის შესახებ, რომ სომხეთი უკრაინას რაკეტებს მიაწოდებს. ამის შესახებ Armenpress-ის კითხვის საპასუხოდ, განაცხადა სრ-ის თავდაცვის სამინისტროს პრესმდივანმა არამ თოროსიანმა. კითხვა: – ბოლო დღეებში არაერთ უცხოურ მედიაში, მათ შორის აზერბაიჯანულ მედიაში, ვრცელდება ჭორები, რომ სომხეთი უკრაინას რაკეტებს მიაწოდებს. ეს სიახლე ზოგიერთ სომხურ მედიაშიც გამოჩნდა. როგორ განმარტავთ მას? პასუხი: – თავდაცვის სამინისტროს შესაბამისი დეპარტამენტი აკვირდება დარგთან დაკავშირებულ პრესის პუბლიკაციებს და საჭიროების და მიზანშეწონილობის მიხედვით კომენტარს აკეთებს ან რეაგირებს მათზე. ეს ინფორმაცია არ შეესაბამება რეალობას და მოვუწოდებთ სომეხ მასმედიის პარტნიორებს, არ გაავრცელონ უცხოური პროპაგანდისტული წყაროების მიერ მედიაში შემოგდებული ცრუ თეზისები“.