სრ სრულად აღიარებს აზერბაიჯანის ტერიტორიულ მთლიანობას, მთიან ყარაბაღთან ერთად. ამის შესახებ ეროვნულ ასამბლეაში ჟურნალისტებთან საუბარში განაცხადა პარლამენტის თავმჯდომარემ ალენ სიმონიანმა.
„ეს უკვე რვაჯერ ვთქვით ბოლო-ორი წლის განმავლობაში. კიდევ რა უნდა ითქვას?” – ხაზგასმით აღნიშნა სიმონიანმა.
მან ასევე განაცხადა, რომ მთიანი ყარაბაღის საკითხი არ არსებობს. „რას ნიშნავს, არცახის საკითხი მოგვარებულია? რა არის არცახის საკითხის გადაწყვეტა თუ არ გადაწყვეტა? სომხეთის რესპუბლიკას ახლა ასეთი კითხვა არ აქვს“, – დასძინა ეროვნული ასამბლეის თავმჯდომარემ.
მისი თქმით, დღეს სრ-ისთვის მთავარია აზერბაიჯანთან სამშვიდობო ხელშეკრულების გაფორმება.
შეგახსენებთ, რომ 2023 წ. 22 მაისს სრ პრემიერ-მინისტრმა ნიკოლ ფაშინიანმა პრესკონფერენციაზე განმარტა, რომ სრ აღიარებს აზერბაიჯანის ტერიტორიულ მთლიანობას 86,6 ათასი კვადრატული კილომეტრის ფართობით, ის ასევე მოიცავს მთიან ყარაბაღს.
