ჩემთვის ძალიან საინტერესოა ჩამოვიდე და ვნახო ქვეყანა, რომლის შესახებაც ბევრი მსმენია და რომლის კულტურული მნიშვნელობაც ვიცი. ამის შესახებ მსოფლიოში ცნობილმა ფილოსოფოსმა და მწერალმა ნასიმ თალებმა „მეცნიერებისა და ბიზნესის დღეები 2023“-ის ფარგლებში გამართულ პრესკონფერენციაზე განაცხადა.
”მე ყოველთვის მაინტერესებდა გენეტიკა. სომეხთა ლიბანში გადასახლებასთან დაკავშირებული იყო 3 ტალღა. მე ვცხოვრობ დასავლეთში, ბუნებრივია, ვურთიერთობ იქაურ სომხურ დიასპორასთან და ვიცი, რომ სომხურ დიასპორას ბევრი საექსპერტო უნარი აქვს, არის ძალიან გამოცდილი. ასე რომ, სომხეთი რაღაცნაირად შთაგონების წყაროა ჩემთვის. აქ თავს ძალიან ნაცნობად ვგრძნობ, როგორც სახლში“, – თქვა მან.
ნასიმ თალები კი ტკივილით საუბრობს სომხეთში ბოლო დროს განვითარებულ მოვლენებზე. „დღეს ძალიან სამწუხარო მდგომარეობაა, რადგან ვიცი, რომ ტიგრან დიდის დროს ზღვიდან ზღვამდე სომხეთი იყო, სომხეთის ტერიტორია ხმელთაშუა ზღვამდე აღწევდა.
თუმცა, ბოლო წლებში მე მუდმივად ვხედავდი სომხეთში ტერიტორიების შემცირებას და ეს ბოლო შოკიც მძიმე იყო“, – განაცხადა თალებმა.
ნასიმ თალებისთვის სამწუხაროა, რომ არარატი თურქეთის ტერიტორიაზე მდებარეობს. „სომხური კულტურა ძალიან გავრცელებულია, იერუსალიმამდეც კი აღწევს და დღეს ვხედავთ, რომ იერუსალიმშიც ხდება ეს ტერიტორიული შემცირება.
ძალიან მძიმეა, რომ ეთნიკური წმენდის მომსწრენი ვართ. რა უნდა გაკეთდეს, იქნებ მსოფლიოს მეტი აცნობოთ ამის შესახებ“, – განაცხადა მან.
