ირანი და ინდოეთი მჭიდროდ თანამშრომლობენ ჩრდილოეთ-სამხრეთის დერეფნის ფარგლებში, ჩვენ მზად ვართ ვიმუშაოთ სომხეთთან ჩრდილოეთ-სამხრეთის სატრანსპორტო დერეფნის ფარგლებში და გავიგოთ, რა სარგებელი შეიძლება მოუტანოს მან ქვეყანას. ამის შესახებ სომხეთში ინდოეთის საგანგებო და სრულუფლებიანმა ელჩმა ნილაქში საჰა სინჰამ განაცხადა 5 დეკემბერს გამართულ კონფერენციაზე „ახალი რეგიონალური რეალობები“ და „მშვიდობის გზაჯვარედინზე“.
მისი თქმით, გლობალური განვითარების მოძრაობა აზიის მიმართულებით ორიგინალურ მნიშვნელობას ქმნის რეგიონული ურთიერთდამოკიდებულებისთვის.
იმის გაცნობიერებით, ინდოეთის მთავრობამ წამოიწყო პროექტი ჩაბაჰარის პორტის განვითარებისთვის, რომელიც შეიძლება გახდეს ჩრდილოეთ-სამხრეთის დერეფნის ნაწილი. სომხეთმა გამოთქვა ინტერესი ამ პროექტში მონაწილეობაზე
ჩვენ მივესალმებით სომხეთის სურვილს გამოიყენოს ჩაბაჰარის პორტი და შეამციროს მისი დამოკიდებულება ზღვაზე მისასვლელად. ინდოეთი მზადაა მონაწილეობა მიიღოს სომხეთის საგზაო ინფრასტრუქტურის განვითარებაში. სომხეთსა და ინდოეთს შორის ურთიერთობას მრავალსაუკუნოვანი ისტორია აქვს და ირანი იყო ის ქვეყანა, რომელმაც ხელი შეუწყო ამ კავშირის განვითარებას“, – აღნიშნა ელჩმა.
მან გაიხსენა, რომ სომეხმა მოღვაწემ შაჰამირ შაჰამირიანმა 1771 წელს დააარსა სტამბა მადრასში, სადაც დაიბეჭა დამოუკიდებელი სომხეთის მომავალი კონსტიტუციის ტექსტი.
„ისტორიული კავშირები დღეს ურთიერთობების განვითარების მყარ საფუძველს ქმნის. სამყარო იცვლება და ურთიერთდამოკიდებულება ხდება ახალი მსოფლიო წესრიგის ერთ-ერთი მნიშვნელოვანი კომპონენტი. აპრილში ერევანში გაიმართა პოლიტიკური დიალოგი ირანს, ინდოეთსა და სომხეთს შორის. კონსულტაციების მთავარი იდეა იყო ურთიერთდამოკიდებულება“, – აღნიშნა ელჩმა.
