კოლექტიური უსაფრთხოების ხელშეკრულების ორგანიზაციის (კუხო) გენერალური მდივანი იმანღალი ტასმაღამბეტოვი 21 დეკემბერს ერევანს ეწვევა, სადაც ის სომხეთის საგარეო საქმეთა მინისტრს არარატ მირზოიანს შეხვდება მინსკში გამართული კუხო-ს სამიტის შედეგების განსახილველად. ამის შესახებ კუხო-ს პრესსამსახური ავრცელებს.
„2023 წლის 21 დეკემბერს ერევანს ეწვევაკუხო-ს გენერალური მდივანი იმანღალი ტასმაღამბეტოვი, რომლის ფარგლებშიც ის შეხვდება სრ საგარეო საქმეთა მინისტრს არარატ მირზოიანს. დაგეგმილია კუხო-ს საგარეო საქმეთა მინისტრების საბჭოს, თავდაცვის მინისტრების საბჭოს, ეროვნული უშიშროების საბჭოების კომიტეტის მდივნებისა და კუხო-ს კოლექტიური უშიშროების საბჭოს ერთობლივი სესიის განხილვა, რომელიც გაიმართა 2023 წლის ნოემბერში მინსკში“, – ნათქვამია განცხადებაში.
2023 წელს მინკში გამართულ კუხო-ს შეხვედრებში სომხეთი არ მონაწილეობდა. შეხვედრების შემდეგ ცნობილი გახდა, რომ კუხო-ს გენერალური მდივანი ერევანში გაემგზავრება შეხვედრების შედეგად მიღწეული შეთანხმებების წარსადგენად.
