სომხეთის საგარეო საქმეთა მინისტრთან არარატ მირზოიანთან დღევანდელი დისკუსიიდან ჩვენ სრულად მივხვდით, რომ სომხეთი ძალიან სერიოზულად არის განწყობილი სტაბილური მშვიდობის მისაღწევად და დგამს სერიოზულ ნაბიჯებს. ამის შესახებ ირანის საგარეო საქმეთა მინისტრმა ჰოსეინ ამირ აბდოლაჰიანმა განაცხადა 27 დეკემბერს, ირანისა და სომხეთის საგარეო საქმეთა მინისტრების ერთობლივ პრესკონფერენციაზე.
„წინა დღეს სატელეფონო საუბარი მქონდა აზერბაიჯანის საგარეო საქმეთა მინისტრ ჯეიჰუნ ბაირამოვთან. მე შევნიშნე, რომ ისინი ასევე მიესალმებიან სომხეთსა და აზერბაიჯანს შორის ხანგრძლივი მშვიდობის მიღწევას.
ასევე, გასულ კვირაში ორჯერ მქონდა სატელეფონო საუბარი ბატონ ლავროვთან. მე ასე ვფიქრობდი და ახლაც ასე ვფიქრობ, რომ მომავალი წლის პირველ თვეებში შესაძლებელია მიღწეულ იქნას შეთანხმება სტაბილური მშვიდობის შესახებ“, – განაცხადა ირანის საგარეო საქმეთა მინისტრმა და აღნიშნა, რომ არსებობს პოზიტიური განწყობები. რეგიონში გარე ჩარევის გარეშე, შეიძლება რეალისტურად იქნას განხილული სომხეთსა და აზერბაიჯანს შორის სტაბილური მშვიდობის დამყარება რეგიონში ირანის, რუსეთისა და თურქეთის გავლით 3+3 ფორმატში.
