აშშ-ის სახელმწიფო დეპარტამენტის კორუფციის წინააღმდეგ გლობალური ბრძოლის კოორდინატორი რიჩარდ ნევეუ 15-18 იანვარს სომხეთსა და საქართველოს ეწვევა, იუწყება აშშ-ის სახელმწიფო დეპარტამენტი.
აღნიშნულია, რომ ორივე ქვეყანაში ის განიხილავს კორუფციასთან ბრძოლაში არსებულ ძალისხმევასა და გამოწვევებს და გადაწყვეტს შემდგომი თანამშრომლობის სფეროებს.
სომხეთში ნევეუ შეხვდება ხელისუფლების წარმომადგენლებს, მათ შორის მართლმსაჯულებისა და სამართალდამცავი ორგანოების წარმომადგენლებს და ასევე მიიღებს მონაწილეობას სამოქალაქო საზოგადოების მრგვალ მაგიდაში.
საქართველოში ის შეხვედრებს გამართავს სახელმწიფო მოხელეებთან, ანტიკორუფციულ ინსტიტუტებთან, საგამოძიებო სტრუქტურებთან და სამოქალაქო საზოგადოების წარმომადგენლებთან.
