ბაქოს მძიმე დანაშაულთა სასამართლოში გასული წლის სექტემბერში დაკავებული ჟურნალისტების ევაზ ზეინალისა და ელნურ შუქუროვის სასამართლო პროცესი დასასრულს უახლოვდება.
მათ ბრალად ედებათ თაღლითობა, ქრთამის აღება და სამართალდამცველის კანონიერი მოთხოვნების შეუსრულებლობა.
სასამართლო პროცესზე გამოსვლისას სახელმწიფო პროკურორმა თქვა, რომ ბრალდებულების ბრალეულობა „სრულიად დადასტურდა“ და მოითხოვა ზეინალის 10 წლით, ხოლო შუქუუროვას 5 წლით თავისუფლების აღკვეთა.
ზეინალიმ ბოლო სიტყვაში განაცხადა, რომ მის წინააღმდეგ პოლიტიკური საქმეა შეთითხნილი. მისი თქმით, ის ჯერ დააკავეს, როგორც „ბოროტმოქმედი ხულიგანი“, შემდეგ კი დაადანაშაულეს თაღლითობასა და მოსყიდვაში, თანამდებობის გადამეტებასთან ერთად.
შუქუროვმა განაცხადა, რომ ის დაიბარეს ზეინალის წინააღმდეგ ჩვენების მისაცემად და დააკავეს, რადგან ის არ დაემორჩილა დაყოლიებას და ძალადობას და არ წარმოადგინა კომპრომისი ზეინალის წინააღმდეგ.
საბოლოო სასამართლო სხდომა 26 იანვარს არის ჩანიშნული. ბაქოს პრო-სამთავრობო მედია ამ სასამართლო პროცესის შესახებ არაფერს წერს. ინფორმაციას ავრცელებენ ევროპაში აზერბაიჯანული ემიგრაციის მედია-რესურსები.
